У Беларусі стартаваў Рэспубліканскі культурна-асветніцкі конкурс «Здаровае слова»

Ініцыятарам правядзення конкурсу стаў Рэспубліканскі культурна-асветніцкі моладзевы праект «Здаровае слова». Суарганізатарамі выступаюць Інстытут тэалогіі БДУ, Дабрачынны фонд «Пакроў», Саюз пісьменнікаў Беларусі, Беларускі саюз журналістаў, факультэт журналістыкі БДУ. Конкурс праводзіцца пры садзейнічанні Грамадскага савета па маральнасці, а таксама пры падтрымцы грамадскага аб'яднання «Беларускі саюз жанчын», дзяржаўнага прадпрыемства «Мінсктранс», Мінскага гарадскога камітэта грамадскага аб'яднання «БРСМ».

11 кастрычніка ў культурным цэнтры «Дом Масквы» горада Мінска пройдзе святочны канцэрт, прымеркаваны да Тыдня бацькоўскай любові

Арганізатарамі мерапрыемства выступілі сямейны праваслаўны форум «Дом шчасця» і прыход храма святой вялікамучаніцы Анастасіі Аковазбавіцелькі горада Мінска. У канцэртную праграму ўвойдуць: выступленне аркестра, тэатральныя мініяцюры, харавыя спевы, танцавальныя пастаноўкі і вакальныя нумары.

Патрыяршы Экзарх прыняў удзел у адкрыцці выставы «У пошуках страчанага. Вяртанне» на аснове матэрыялаў з асабістай калекцыі Уладзіміра Ліхадзедава

29 верасня 2026 года Патрыяршы Экзарх усяе Беларусі Мітрапаліт Мінскі і Заслаўскі Веніямін прыняў удзел у адкрыцці выставы «У пошуках страчанага. Вяртанне», падрыхтаванай на аснове матэрыялаў з асабістай калекцыі вядомага беларускага гісторыка і даследчыка, лаўрэата прэміі «За духоўнае адраджэнне» Уладзіміра Ліхадзедава.

У Маладзечанскай епархіі прайшоў XI Міжнародны мастацкі пленэр «Святасць зямлі Беларускай», прысвечаны 20-годдзю кананізацыі блажэннай Валянціны Мінскай

24 верасня 2026 года епіскап Маладзечанскі і Стаўбцоўскі Павел узначаліў цырымонію закрыцця пленэра ў Валожынскім раённым Цэнтры культуры. Сакратар Маладзечанскай епархіі протаіерэй Віталь Багданёнак абвясціў прывітальны адрас Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, дыпломы пленэра атрымалі 17 мастакоў з Беларусі і Расіі.

У свята Нараджэння Прасвятой Багародзіцы Патрыяршы Экзарх узначаліў прастольную ўрачыстасць аднайменнага манастыра горада Гродна

21 верасня 2026 года, у прастольнае свята Гродзенскага мітрапалічага жаночага манастыра Нараджэння Прасвятой Багародзіцы, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў у абіцелі Бажэственную літургію. Па заканчэнні богаслужэння ігумення Гаўрыіла (Глухава) вітала архіпастыра і паднесла яму прасфору.

Мітрапаліт Веніямін узначаліў пасяджэнне Савета Інстытута тэалогіі БДУ

17 верасня 2026 года ў Інстытуце тэалогіі БДУ пад старшынствам рэктара Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, адбылося пашыранае пасяджэнне Савета і першы ў 2026/2027 навучальным годзе сход працоўнага калектыву, на якім быў разгледжаны шэраг навучальных, адміністрацыйных і іншых пытанняў.

Патрыяршы Экзарх усяе Беларусі ўзначаліў урачыстасці з нагоды дня памяці мучаніцкай смерці прападобнамучаніка Афанасія, ігумена Брэсцкага [+відэа]

18 верасня 2026 года ў Брэсце адбыліся ўрачыстасці з нагоды дня памяці мучаніцкай смерці прападобнамучаніка Афанасія, ігумена Брэсцкага, малітвеніка і апекуна Берасцейскай зямлі. Бажэственную літургію ў Свята-Афанасіеўскім мужчынскім манастыры горада Брэста ўзначаліў Мітрапаліт Мінскі і Заслаўскі Веніямін, Патрыяршы Экзарх усяе Беларусі.

Духоўна-асветніцкі цэнтр «Каўчэг» Лізавецінскага манастыра запрашае дзяцей і дарослых прыняць удзел у народнай выставе «Дом, дзе жыве любоў»

Усе працы народнай выставы госці духоўна-асветніцкага цэнтра «Каўчэг» змогуць убачыць у арт-галерэі з 10 па 17 кастрычніка і прагаласаваць за ўпадабаныя. 18 кастрычніка адбудзецца ўзнагароджанне пераможцаў і ўдзельнікаў выставы, чые творы атрымаюць больш за ўсё галасоў.

У Ляхавічах адбыўся IV Серафімаўскі фестываль духоўнай творчасці

13 верасня 2026 года на тэрыторыі храма Уздзвіжання Крыжа Гасподняга горада Ляхавічы адбыўся IV Серафімаўскі фестываль духоўнай творчасці, прысвечаны 125-годдзю з дня нараджэння прападобнамучаніка Серафіма, архімандрыта Жыровіцкага, і Году беларускай жанчыны. Удзельнікамі мерапрыемства сталі больш за 1 000 чалавек.

У дзень цвярозасці ў Царкве ўзносяць асаблівыя прашэнні пра залежных ад алкаголю і наркаманіі

11 верасня Праваслаўная Царква ўспамінае дзень Усекнавення галавы святога Прарока, Прадцечы і Хрысціцеля Гасподняга Іаана. Яго падзвіжніцкае жыццё завяршылася пакутніцкай смерцю, якую ён прыняў за выкрыванне граху бязбожнага цара Ірада. Прарок быў абезгалоўлены падчас п'янага балявання. У гэты дзень выконваецца строгі пост і адзначаецца Дзень цвярозасці.

На базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні

4 верасня 2026 года ў рамках супрацоўніцтва Беларускай Праваслаўнай Царквы і Міністэрства прыродных рэсурсаў і аховы навакольнага асяроддзя Рэспублікі Беларусь на базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні.

У горадзе Брэсце адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору»

3 верасня 2026 года па благаславенню архіепіскапа Брэсцкага і Кобрынскага Іаана на базе мемарыяльнага комплексу «Брэсцкая крэпасць — герой» адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору».

Беларускі прафесійны саюз банкаўскіх і фінансавых работнікаў і Беларускі Экзархат правялі дабрачынную акцыю «Прафсаюзы — дзецям»

Па выніках акцыі дапамога была аказана дзесяці школам па ўсёй рэспубліцы. Усяго было сабрана каля 20 000 беларускіх рублёў. Гэтыя сродкі будуць накіраваны на ўмацаванне матэрыяльна-тэхнічнай базы ўстаноў адукацыі.

У Салігорску пройдзе міжнародны праваслаўны фестываль «Радасць»

Мерапрыемства адбудзецца па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, кіраўніка Салігорскай епархіі, пры падтрымцы Салігорскага раённага выканаўчага камітэта. Арганізатарамі выступаюць Мінскі Свята-Лізавецінскі манастыр і праваслаўнае сястрыцтва горада Мінска.

2 верасня ў сталіцу Дня беларускага пісьменства — горад Касцюковічы адправіцца з Мінска XXXIII Міжнародная навукова-асветніцкая экспедыцыя «Дарога да святыняў»

Сёлета экспедыцыя пройдзе па тэрыторыях Мінскай, Пінскай, Барысаўскай і Магілёўскай епархій па маршруце: Мінск — Святое Поле каля вёскі Загор'е Баранавіцкага раёна Брэсцкай вобласці — горад Беразіно Мінскай вобласці — горад Клічаў Магілёўскай вобласці — горад Бабруйск Магілёўскай вобласці — горад Магілёў — горад Горкі Магілёўскай вобласці — горад Мсціслаў Магілёўскай вобласці — горад Касцюковічы Магілёўскай вобласці. Працягласць маршруту складзе 1270 кіламетраў.