Пошук

У Мазыры адбыўся першы епархіяльны форум «Сям'я — чыстае слова»

28 кастрычніка 2026

27 кастрычніка 2026 года ў сярэдняй школе № 11 горада Мазыра адбыўся першы епархіяльны форум «Сям'я — чыстае слова», арганізаваны Тураўскай епархіяй пры падтрымцы Мазырскага раённага выканаўчага камітэта.

Мерапрыемства аб'яднала святароў, педагогаў агульнаадукацыйных і нядзельных школ, псіхолагаў, сацыяльных работнікаў, прадстаўнікоў раённай улады і ААТ «Мазырскі НПЗ».

Галоўнай мэтай форуму стала аб'яднанне намаганняў Царквы, дзяржаўных устаноў і бацькоўскай супольнасці ў фарміраванні культуры мовы і супрацьдзеянні брыдкаслоўю.

Працу форуму адкрыў епіскап Тураўскі і Мазырскі Леанід. У прывітальным слове архіпастыр падкрэсліў важнасць захавання чысціні роднай мовы і яе значэнне для маральнага здароўя грамадства.

Да ўдзельнікаў таксама звярнуліся начальнік аддзела адукацыі Мазырскага райвыканкама Ларыса Папкова і начальнік аддзела культуры райвыканкама Сяргей Зайкоўскі. Пра мэты і задачы форуму распавяла дырэктар сярэдняй школы № 11 горада Мазыра Яўгенія Варановіч.

У ходзе пленарнага пасяджэння былі разгледжаны духоўныя, псіхалагічныя і сацыяльныя аспекты праблемы брыдкаслоўя, пытанні выхавання культуры мовы ў дзяцей і падлеткаў, а таксама роля сям'і, Царквы і ўстаноў адукацыі ў гэтай працы.

Старшыня аддзела рэлігійнай адукацыі і катэхізацыі Тураўскай епархіі іерэй Віталь Ляхновіч выступіў з дакладам «Духоўныя карані брыдкаслоўя і шляхі ацалення». Педагог-псіхолаг сярэдняй школы № 11 Ірына Гнедзька разгледзела сацыяльна-псіхалагічныя наступствы брыдкаслоўя ў дзіцяча-падлеткавым асяроддзі.

Дырэктар сярэдняй школы № 15 горада Мазыра імя генерала Я.С. Барадунова Сяргей Траян прадставіў вопыт узаемадзеяння школы і Царквы ў фарміраванні маўленчай культуры. Старшыня Аддзела па працы з моладдзю Тураўскай епархіі, адказная па пытаннях сям'і Дар'я Бандарчук распавяла пра ролю сям'і ў захаванні чысціні роднай мовы.

Намеснік старшыні камісіі па справах непаўналетніх Мазырскага райвыканкама Алена Судзібор асвятліла пытанні дзяржаўнай палітыкі і міжведамаснага ўзаемадзеяння ў сферы абароны маральнасці.

Настаўнікі сярэдняй школы № 11 Людміла Павел і Ірына Барысава прадставілі сумесны даклад «Сям'я і чыстае слова».

У ходзе форуму таксама былі падведзены вынікі конкурсу метадычных распрацовак па двух напрамках: «Фарміраванне сямейных каштоўнасцяў, павышэнне іміджу і папулярызацыя інстытута сям'і» і «Прафілактыка брыдкаслоўя і фарміраванне культуры мовы». Адбылося ўзнагароджанне пераможцаў.

Затым удзельнікі працягнулі працу ў дзвюх тэматычных секцыях: «Духоўна-маральныя асновы чысціні мовы» пад кіраўніцтвам іерэя Віталя Ляхновіча і «Псіхолага-педагагічныя падыходы да прафілактыкі брыдкаслоўя», мадэратарам якой выступіла педагог-псіхолаг Ірына Гнядзько.

Па выніках форуму была прынята рэзалюцыя, якая змяшчае практычныя рэкамендацыі для сем'яў і ўстаноў адукацыі па фарміраванні культуры маўлення і прафілактыцы брыдкаслоўя.

turov.by / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok