Мітрапаліт Веніямін узначаліў пасяджэнне Савета Інстытута тэалогіі БДУ
18 верасня 2026
17 верасня 2026 года ў Інстытуце тэалогіі БДУ пад старшынствам рэктара Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, адбылося пашыранае пасяджэнне Савета і першы ў 2026/2027 навучальным годзе сход працоўнага калектыву, на якім быў разгледжаны шэраг навучальных, адміністрацыйных і іншых пытанняў.
Папярэднічаючы пасяджэнню, адміністрацыя, выкладчыкі і студэнты Інстытута тэалогіі павіншавалі ўладыку рэктара з днём нараджэння, пажадаўшы яму дапамогі Божай у шматлікіх працах на ніве Хрыстовай.
На Савеце перад прысутнымі выступілі прарэктар па вучэбнай рабоце Мікалай Архіпец і першы прарэктар протаіерэй Сергій Маўсесян, які прадставіў калегам план развіцця Інстытута на навучальны год.
У завяршэнне рэктар Інстытута Мітрапаліт Веніямін падзякаваў усім членам Савета за працу і пажадаў дапамогі Божай у распачатым навучальным годзе.
Па заканчэнні пасяджэння Патрыяршы Экзарх сустрэўся са студэнтамі розных курсаў. Уладыка рэктар падкрэсліў, што сапраўдны сэнс атрыманых у Інстытуце ведаў надае выкананне хрысціянскіх прынцыпаў — і ў студэнцкім жыцці, і ў будучай прафесійнай дзейнасці.
Адказваючы на пытанні аб прыярытэтных напрамках дзейнасці Беларускага Экзархату, Мітрапаліт Веніямін асабліва вылучыў працу з моладдзю — будучымі стваральнікамі Царквы і дзяржавы. Супрацьстаяць размыванню традыцыйных каштоўнасцяў у часткі маладога пакалення, па словах уладыкі, закліканы выпускнікі Інстытута тэалогіі. Закрануў Патрыяршы Экзарх і тэмы Дня народнага адзінства, адзначыўшы, што хрысціянства гістарычна аб'ядноўвала і працягвае аб'ядноўваць народ.
Чытайце нас у мэсэнджэрах Telegram і Viber,
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
