У Мінску завяршылася штогадовая дабрачынная акцыя «Ангел Ражджаства»

25 студзеня завяршылася дабрачынная акцыя «Ангел Ражджаства», арганізаваная МГА «Хрысціянскі адукацыйны цэнтр імя святых Мяфодзія і Кірыла» пры ўдзеле духоўна-адукацыйнага праекта «ЛОГАС» гімназіі № 11 горада Мінска ў рамках рэспубліканскай акцыі «Дзеці — дзецям».

Адбылося чарговае пасяджэнне рабочай групы Міністэрства адукацыі і Беларускай Праваслаўнай Царквы па пытаннях супрацоўніцтва

Вялі пасяджэнне старшыня Сінадальнага аддзела рэлігійнай адукацыі і катэхізацыі Беларускага Экзархату епіскап Барысаўскі і Мар'інагорскі Веніямін і Галіна Іванаўна Нікалаенка — прарэктар Акадэміі паслядыпломнай адукацыі, доктар педагагічных навук.

Архіепіскап Іаан наведаў Брэсцкі Кобрынскі дзіцячы дом

Многія гады выхаванцаў Кобрынскага дзіцячага дома віншуюць з Ражджаством Хрыстовым прадстаўнікі Царквы. У гэтым годзе рабяты як родных і блізкіх сустракалі архіепіскапа Брэсцкага і Кобрынскага Іаана, благачыннага цэркваў Кобрынскай акругі протаіерэя Багдана Хаму і сясцёр міласэрнасці з сястрыцтва ў гонар святой мучаніцы Таццяны пры Аляксандра-Неўскім кафедральным саборы горада Кобрына.

У Оршы адбылася акцыя «Разам у абарону жыцця!»

На працягу некалькіх гадоў у навагоднія і калядныя святы, у Дзень горада і Дзень Незалежнасці Рэспублікі Беларусь, а таксама ў Дзень маці аршанак, якія сталі маладымі мамамі, віншуе кіраўніцтва горада сумесна са святарамі Оршы.

Гродна ў 17-ы раз прымае гасцей Міжнароднага фестывалю праваслаўных песнапенняў «Каложскі Дабравест»

7-10 лютага ў храмах і на канцэртных пляцоўках Гродна выступяць 34 хоры з Чарнагорыі, Македоніі, Румыніі, Польшчы, Узбекістана, Расіі, Украіны і Беларусі. Унікальнасць «Дабравеста» ў тым, што на адной сцэне сваё майстэрства могуць прадэманстраваць і сельскія хоры, і прафесійныя кансерваторскія калектывы з сусветным імем.

Асвечана тэхніка спецпадраздзялення «Альфа»

20 студзеня клірыкі прыхода Святой Жыццепачатнай Тройцы ў пасёлку Бараўляны па просьбе камандзіра спецыяльнага падраздзялення «Альфа» Камітэта дзяржаўнай бяспекі Беларусі здзейснілі асвячэнне спецтэхнікі.

Мітрапаліт Павел узначаліў правядзенне Каляднага вечара Хрысціянскага адукацыйнага цэнтра

Цэнтральнай падзеяй вечара стала традыцыйнае ўручэнне Калядных прэмій Хрысціянскага адукацыйнага цэнтра «За асаблівы ўклад у справу хрысціянскай асветы і адукацыі, дбайнае служэнне Царкве Хрыстовай у справе выхавання моладзі, уклад у развіццё тэалагічнай адукацыі».

Патрыяршы Экзарх і Міністр аховы здароўя наведалі з дабрачыннай місіяй Дом дзіцяці № 1

16 студзеня Дом дзіцяці № 1 для дзяцей з арганічным паражэннем цэнтральнай нервовай сістэмы і псіхікі наведалі мітрапаліт Мінскі і Заслаўскі Павел, Патрыяршы Экзарх усяе Беларусі, і Міністр аховы здароўя Рэспублікі Беларусь Валерый Анатольевіч Малашка.

Архіерэйскі калядны прыём у гонар шматдзетных сем'яў святароў прайшоў у Бабруйску

16 студзеня ў Габеленавай зале гарадскога тэатра драмы і камедыі імя В. І. Дуніна-Марцінкевіча (Бабруйск) прайшоў архіерэйскі прыём у гонар сем'яў святароў Бабруйскай епархіі, якія маюць траіх і больш дзяцей.

Патрыяршы Экзарх усяе Беларусі прыняў удзел ва ўрачыстым сходзе з нагоды 80-годдзя Мінскай вобласці

Урачысты сход з нагоды 80-годдзя з дня ўтварэння Мінскай вобласці адбыўся 15 студзеня ў Палацы Рэспублікі. На сходзе прысутнічаў мітрапаліт Мінскі і Заслаўскі Павел, Патрыяршы Экзарх усяе Беларусі.

Выхаванцы нядзельнай школы Увядзенскага храма сталіцы павіншавалі курсантаў Акадэміі МУС з Ражджаством Хрыстовым

Сінадальны аддзел па турэмнаму служэнню БПЦ і нядзельная школа прыхода храма Увядзення ў храм Прасвятой Багародзіцы горада Мінска святочным канцэртам павіншавалі курсантаў Крымінальна-выканаўчага факультэта Акадэміі МУС Рэспублікі Беларусь з Ражджаством Хрыстовым.

Адбылася сустрэча Патрыяршага Экзарха з начальнікам упраўлення ідэалагічнай работы і кадравага забеспячэння Дэпартамента выканання пакаранняў МУС Беларусі

11 студзеня ў будынку Мінскага епархіяльнага ўпраўлення адбылася сустрэча мітрапаліта Мінскага і Заслаўскага Паўла, Патрыяршага Экзарха ўсяе Беларусі, з начальнікам упраўлення ідэалагічнай работы і кадравага забеспячэння Дэпартамента выканання пакаранняў МУС Рэспублікі Беларусь, палкоўнікам Сяргеем Сандалюком.

Адбылася сустрэча мітрапаліта Паўла з беларускімі гандбалістамі

Сустрэча прайшла напярэдадні чэмпіянату Еўропы па гандболе сярод мужчын, які адбудзецца з 12 па 28 студзеня ў Харватыі. Дэлегацыю спартсменаў ўзначаліў прэзідэнт Беларускай федэрацыі гандбола Уладзімір Мікалаевіч Канаплёў.

Свята духоўнай музыкі прайшло ў Віцебску

Па традыцыі, на свята Ражджаства Хрыстовага ў Нацыянальным акадэмічным драматычным тэатры імя Якуба Коласа (Віцебск) адбыўся канцэрт, які аб'яднаў вялікую колькасць музыкаў усіх узростаў.

Патрыяршы Экзарх прыняў удзел у цырымоніі ўручэння прэмій Прэзідэнта Рэспублікі Беларусь «За духоўнае адраджэнне»

Ад Беларускай Праваслаўнай Царквы ў гэтым годзе прэміі «За духоўнае адраджэнне» быў удастоены настаяцель прыхода храма прападобнай Еўфрасінні Полацкай у гарадскім пасёлку Івянец Валожынскага раёна Мінскай вобласці протаіерэй Віктар Перагудаў — за заслугі ў арганізацыі сацыяльнай дапамогі дзецям-інвалідам і іншым катэгорыям грамадзян.