Мітрапаліт Веніямін распавёў у эфіры тэлеканала «Беларусь 1» пра новы духоўна-асветніцкі праект «Паломніца. Дарога да храма»

22 верасня 2026 года мітрапаліт Мінскі і Заслаўскі Веніямін, Патрыяршы Экзарх усяе Беларусі, стаў госцем ранішняй праграмы «Добрай раніцы, Беларусь» на тэлеканале «Беларусь 1». Разам з тэлевядучай Інгай Бяловай Патрыяршы Экзарх прадставіў духоўна-асветніцкі цыкл Белтэлерадыёкампаніі «Паломніца. Дарога да храма», прэм'ера якога адбудзецца 27 верасня 2026 года на тэлеканале «Беларусь 3».

Дабрачынны фонд «Пакроў» запрашае педагогаў на семінары па духоўна-маральнаму і сямейнаму выхаванню навучэнцаў

18 верасня 2026 года на першым у новым навучальным годзе семінары ў Віцебскім абласным інстытуце развіцця адукацыі кіраўнікі фонду «Пакроў» распавялі педагогам аб сацыяльным праектаванні і аб узаемадзеянні фонду з Беларускім Экзархатам і дзяржаўнымі органамі ва ўмацаванні сямейных каштоўнасцяў, а псіхолагі — аб жыццёвых арыенцірах, жаноцкасці і мацярынстве. Наступны семінар цыкла, прысвечаны фарміраванню ў моладзі каштоўнасных адносін да шлюбу, пройдзе 23 кастрычніка 2026 года.

Зацверджаны намінацыі Рэспубліканскага конкурсу дзіцячай творчасці «Прыгажосць Божага свету»

Навучэнцы нядзельных школ Беларускага Экзархату ва ўзросце да 17 гадоў могуць прыняць удзел у конкурсе «Прыгажосць Божага свету», які пройдзе з 1 па 25 снежня 2026 года. Адна з пяці тэм гэтага года — «Духоўны подзвіг святой блажэннай Валянціны Мінскай».

Мітрапаліт Веніямін узначаліў пасяджэнне Савета Інстытута тэалогіі БДУ

17 верасня 2026 года ў Інстытуце тэалогіі БДУ пад старшынствам рэктара Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, адбылося пашыранае пасяджэнне Савета і першы ў 2026/2027 навучальным годзе сход працоўнага калектыву, на якім быў разгледжаны шэраг навучальных, адміністрацыйных і іншых пытанняў.

Духоўна-асветніцкі цэнтр «Каўчэг» Лізавецінскага манастыра запрашае дзяцей і дарослых прыняць удзел у народнай выставе «Дом, дзе жыве любоў»

Усе працы народнай выставы госці духоўна-асветніцкага цэнтра «Каўчэг» змогуць убачыць у арт-галерэі з 10 па 17 кастрычніка і прагаласаваць за ўпадабаныя. 18 кастрычніка адбудзецца ўзнагароджанне пераможцаў і ўдзельнікаў выставы, чые творы атрымаюць больш за ўсё галасоў.

У Ляхавічах адбыўся IV Серафімаўскі фестываль духоўнай творчасці

13 верасня 2026 года на тэрыторыі храма Уздзвіжання Крыжа Гасподняга горада Ляхавічы адбыўся IV Серафімаўскі фестываль духоўнай творчасці, прысвечаны 125-годдзю з дня нараджэння прападобнамучаніка Серафіма, архімандрыта Жыровіцкага, і Году беларускай жанчыны. Удзельнікамі мерапрыемства сталі больш за 1 000 чалавек.

Адкрыты шосты сезон рэспубліканскага конкурсу сацыяльных маладзёжных праектаў «Моладзь Беларусі за жыццё, маральнасць і сямейныя каштоўнасці»

Конкурс праводзяць Беларускі Экзархат, Міністэрства адукацыі Рэспублікі Беларусь і Дабрачынны фонд падтрымкі сям'і, мацярынства і дзяцінства «Пакроў»; заяўкі прымаюцца да 26 кастрычніка 2026 года. У гэтым годзе разам з навучэнцамі ўстаноў адукацыі да ўдзелу запрашаюцца маладыя сем'і і моладзь з ліку членаў Беларускага рэспубліканскага саюза моладзі і Беларускага саюза жанчын.

У дзень цвярозасці ў Царкве ўзносяць асаблівыя прашэнні пра залежных ад алкаголю і наркаманіі

11 верасня Праваслаўная Царква ўспамінае дзень Усекнавення галавы святога Прарока, Прадцечы і Хрысціцеля Гасподняга Іаана. Яго падзвіжніцкае жыццё завяршылася пакутніцкай смерцю, якую ён прыняў за выкрыванне граху бязбожнага цара Ірада. Прарок быў абезгалоўлены падчас п'янага балявання. У гэты дзень выконваецца строгі пост і адзначаецца Дзень цвярозасці.

Патрыяршы Экзарх прыняў удзел у XXVII З'ездзе Беларускага Чырвонага Крыжа

8 верасня 2026 года ў Мінску адбыўся XXVII З'езд Беларускага Чырвонага Крыжа, у якім прынялі ўдзел дэлегаты з усёй краіны, прадстаўнікі органаў дзяржаўнага кіравання і міжнародныя партнёры.

У Музеі рэдкай кнігі горада Касцюковічы была прадстаўлена экспазіцыя Беларускай Праваслаўнай Царквы з унікальнымі выданнямі: старадрукаванымі кнігамі XVI-пачатку ХІХ стагоддзяў і факсімільнымі копіямі рукапісных Евангелляў XII-XVI стагоддзяў

На выставе экспанаваліся пяць факсімільных копій рукапісных Евангелляў — Полацкае Евангелле XII-пачатку XIII стагоддзя, Лаўрышаўскае Евангелле канца XIII — пачатку XIV стагоддзя, Жыровіцкае Евангелле XVI стагоддзя, Евангелле XV стагоддзя Мінскага Свята-Духава манастыра, Слуцкае Евангелле XVI стагоддзя.

На базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні

4 верасня 2026 года ў рамках супрацоўніцтва Беларускай Праваслаўнай Царквы і Міністэрства прыродных рэсурсаў і аховы навакольнага асяроддзя Рэспублікі Беларусь на базе прыхода храма іконы Божай Маці «Усіх гаротных Радасць» горада Мінска адбылося экалагічнае мерапрыемства, прымеркаванае да Дня малітвы аб Божым стварэнні.

У горадзе Брэсце адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору»

3 верасня 2026 года па благаславенню архіепіскапа Брэсцкага і Кобрынскага Іаана на базе мемарыяльнага комплексу «Брэсцкая крэпасць — герой» адбылася Міжнародная навуковая канферэнцыя «Праваслаўе ў гістарычных лёсах славянскіх народаў. 430-годдзе Праваслаўнага Брэсцкага царкоўнага сабору».

На падвор'і Беларускага Экзархату ў Маскве адбылася прэзентацыя вучэбнага дапаможніка «Гісторыя Праваслаўя на Беларускіх землях. Ад старажытнасці да 1914 г.»

У Маскоўскім храме вялікамучаніцы Ірыны, які з'яўляецца падвор'ем Беларускай Праваслаўнай Царквы (Беларускага Экзархату Рускай Праваслаўнай Царквы) у горадзе Маскве, па благаславенню настаяцеля храма архіепіскапа Віцебскага і Аршанскага Дзімітрыя адбылося мерапрыемства нацыянальнай культурнай аўтаноміі «Беларусы Масквы», на якім быў прадстаўлены вучэбны дапаможнік «Гісторыя Праваслаўя на Беларускіх землях. Ад старажытнасці да 1914 г.»

Беларускі прафесійны саюз банкаўскіх і фінансавых работнікаў і Беларускі Экзархат правялі дабрачынную акцыю «Прафсаюзы — дзецям»

Па выніках акцыі дапамога была аказана дзесяці школам па ўсёй рэспубліцы. Усяго было сабрана каля 20 000 беларускіх рублёў. Гэтыя сродкі будуць накіраваны на ўмацаванне матэрыяльна-тэхнічнай базы ўстаноў адукацыі.

У Салігорску пройдзе міжнародны праваслаўны фестываль «Радасць»

Мерапрыемства адбудзецца па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, кіраўніка Салігорскай епархіі, пры падтрымцы Салігорскага раённага выканаўчага камітэта. Арганізатарамі выступаюць Мінскі Свята-Лізавецінскі манастыр і праваслаўнае сястрыцтва горада Мінска.