Пошук

Патрыяршы Экзарх прыняў удзел у XXVII З'ездзе Беларускага Чырвонага Крыжа

08 верасня 2026

8 верасня 2026 года ў Мінску адбыўся XXVII З'езд Беларускага Чырвонага Крыжа, у якім прынялі ўдзел дэлегаты з усёй краіны, прадстаўнікі органаў дзяржаўнага кіравання і міжнародныя партнёры. У зале прысутнічалі Патрыяршы Экзарх усяе Беларусі Мітрапаліт Мінскай і Заслаўскі Веніямін, архіепіскап Гомельскі і Жлобінскі Сцяфан, намеснік старшыні Сінадальнага аддзела па царкоўнай дабрачыннасці і сацыяльным служэння Беларускага Экзархату па Мінскай епархіі, настаяцель прыхода храма іконы Божай Маці «Усецарыца» горада Мінска протаіерэй Мікалай Сухановіч.

У сваім выступленні генеральны сакратар Беларускага Чырвонага Крыжа Дзмітрый Шаўцоў адзначыў, што арганізацыя працавала ва ўмовах міграцыйнага крызісу на беларуска-польскай мяжы, дапамагала бежанцам з Украіны на беларуска-расійскім напрамку і цяпер працягвае падтрымліваць людзей, якія выбіраюць Беларусь месцам свайго будучага жыцця.

БКК ахоплівае вялікая колькасць напрамкаў падтрымкі. «Дапамога малазабяспечаным, інвалідам, дзецям, якія знаходзяцца на апецы дзяржавы, дзецям з інваліднасцю, у цяжкай жыццёвай сітуацыі. Мы клапоцімся і пра пажылых адзінокіх людзей. Яны таксама павінны адчуваць клопат не толькі дзяржавы, але і грамадства», — падкрэсліў Дзмітрый Шаўцоў.

У сваім выступленні Мітрапаліт Мінскі і Заслаўскі Веніямін, Патрыяршы Экзарх усяе Беларусі, адзначыў, што Царква заклікае чалавека да спагады і ўважлівага стаўлення да бліжняга, а шлях служэння і дапамогі іншым разглядаецца як важная частка духоўнага росту і ўнутранага ўдасканалення. У гэтым кантэксце асаблівае значэнне набывае супрацоўніцтва Царквы і Беларускага Чырвонага Крыжа.

Па словах яго Высокапраасвяшчэнства, аб'яднанне намаганняў дазваляе ўмацаваць духоўны складнік сацыяльнай работы і робіць дапамогу людзям больш змястоўнай і асэнсаванай.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте и Facebook,

глядзіце ў YouTube і TikTok