У Мінску адбылася прэзентацыя кнігі «Воіны духу» пра подзвіг святароў у гады Вялікай Айчыннай вайны

Кніга распавядае пра 12 гісторый святароў і манахаў, якія абаранялі Радзіму ў гады Вялікай Айчыннай вайны, а пасля яе — адраджалі краіну, будавалі храмы і ўмацоўвалі веру людзей у Бога.

На гарадскім бацькоўскім сходзе горада Мінска адбыўся паказ мастацка-дакументальнага фільма «Маміна пісьмо»

На мерапрыемстве прысутнічалі Мітрапаліт Мінскі і Заслаўскі Веніямін, Патрыяршы Экзарх усяе Беларусі, міністр адукацыі Андрэй Іванец, старшыня Сінадальнага аддзела па пытаннях сям'і, абароны мацярынства і дзяцінства Беларускай Праваслаўнай Царквы протаіерэй Павел Сярдзюк, прадстаўнікі Дабрачыннага фонду падтрымкі сям'і, мацярынства і дзяцінства «Пакроў».

Змяніўся графік працы царкоўнай лаўкі Мінскага епархіяльнага ўпраўлення: крама будзе адкрыта для пакупнікоў па суботах і нядзелях

Наведвальнікам крамы прапануецца шырокі асартымент тавараў: прадметы царкоўнага ўжытку, начынне для богаслужэння, пашывачная прадукцыя, свечкі, ладан, абразы. Таксама прадстаўлена разнастайная кніжная прадукцыя: багаслоўская, богаслужэбная, місіянерская, праваслаўна-педагагічная, дзіцячая, жыційная літаратура, духоўна-мастацкая проза і паэзія, Бібліі, канонікі, павучанні і настаўленні да таінстваў хрышчэння, шлюбу і іншых.

Мітрапаліт Веніямін узначаліў вячэрню з чынам прабачэння ў Свята-Духавым кафедральным саборы горада Мінска [+відэа]

Пасля адпусту Прадстаяцель Беларускай Праваслаўнай Царквы прамовіў пропаведзь, у завяршэнне якой папрасіў ва ўсіх прабачэння і пажадаў дапамогі Божай у надыходзячым Вялікім посце.

У Полацку пройдзе Міжнародная навуковая канферэнцыя, прысвечаная 900-годдзю заснавання Полацкага Спаса-Еўфрасіннеўскага манастыра

27-28 мая 2025 года ў Полацку пройдзе навуковая канферэнцыя, прымеркаваная да 900-годдзя заснавання Полацкага Спаса-Еўфрасіннеўскага жаночага манастыра і яго заснавальніцы прападобнай Еўфрасінні Полацкай, якія пакінулі значны след у станаўленні культуры, адукацыі і асветы на беларускіх землях.

У свята Хрышчэння Гасподняга Патрыяршы Экзарх здзейсніў Бажэственную літургію ў Свята-Духавым кафедральным саборы горада Мінска

Прамая трансляцыя вялася на тэлеканале «Беларусь 3», афіцыйным YouTube-канале Беларускай Праваслаўнай Царквы і тэлеканале «Муз Союз».

У свята Ражджаства Хрыстова Патрыяршы Экзарх здзейсніў Літургію ў Свята-Духавым кафедральным саборы горада Мінска [+відэа]

Трансляцыя Бажэственнай літургіі вялася на тэлеканале «Беларусь 1» і суправаджалася сурдаперакладам.

Сінадальны аддзел па царкоўнай дабрачыннасці і сацыяльным служэнні Беларускай Праваслаўнай Царквы прадставіць праект «Сэрца Беларусі»

У рамках праекта распрацавана інтэрактыўная карта нашай краіны, на якой будуць адлюстроўвацца сацыяльныя праекты Беларускай Праваслаўнай Царквы, у тым ліку сумесныя з Міністэрствам працы і сацыяльнай абароны, Міністэрствам аховы здароўя Беларусі, беларускім Чырвоным Крыжам і іншымі ўстановамі.

Сінадальны аддзел па катэхізацыі стаў адным з заснавальнікаў I Рэспубліканскага фестывалю мастацтва дзяцей і моладзі з парушэннем слыху «Каўчэг шчаслівага дзяцінства»

Фестываль быў арганізаваны з мэтай фундаментальнай падтрымкі творчасці дзяцей і моладзі з парушэннем слыху, развіцця духоўна-маральнай культуры падрастаючага пакалення, стварэння ўмоў для далейшай рэалізацыі інклюзіўных праграм у Рэспубліцы Беларусь.

У Мінску адбылося адкрыццё выставы жывапісу сербскай манахіні Марыі (Анціч) «Святыя навамучанікі Ясенавацкія ў святле Уваскрасення»

11 лістапада 2024 года ў Беларускім дзяржаўным музеі гісторыі Вялікай Айчыннай вайны адбылася ўрачыстая цырымонія адкрыцця выставы жывапісу сербскай манахіні Марыі (Анціч) «Святыя навамучанікі Ясенавацкія ў святле Уваскрасення».

Патрыяршы Экзарх усяе Беларусі ўзначаліў урачыстасці з нагоды 20-годдзя Інстытута тэалогіі БДУ

12 лістапада 2024 года мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска з нагоды 20-годдзя заснавання Інстытута тэалогіі імя святых Мяфодзія і Кірыла Беларускага дзяржаўнага ўніверсітэта.

Светлай памяці славутага навукоўца-славіста, лаўрэата прэміі «За духоўнае адраджэнне» Івана Аляксеевіча Чароты...

7 лістапада адышоў да Госпада славуты навуковец-славіст, доктар філалагічных навук, прафесар Белдзярджуніверсітэта, лаўрэат прэміі «За духоўнае адраджэнне» Іван Аляксеевіч Чарота. Яго спачын – вялікі сум і горыч як для навуковай супольнасці, так і для ўсёй Беларускай Праваслаўнай Царквы.

Пры рэстаўрацыі царквы ў Ноўгарадзе знойдзены мошчы прападобнай Харыціны Літоўскай, якая шануецца ў Беларусі

Святая паходзіла з княжацкага роду, нарадзілася ў Літве. З-за смут, якія адбываліся там, яна пакінула родныя для сябе месцы і разам з іншымі знатнымі літоўцамі перабралася на поўнач Русі. З юных гадоў Харыціна хацела прысвяціць сябе служэнню Богу, а таму ўжо на Русі прыняла манаства ў Наўгародскім Петрапаўлаўскім жаночым манастыры на Сінічай гары, дзе пасля стала ігуменняй.

Дзіцячы кінаклуб пры Магілёўскім духоўна-асветніцкім цэнтры імя свц. Георгія (Каніскага) стаў лаўрэатам Міжнароднага дзіцячага фестывалю кіно і тэлебачання «Кінасвет»

Кароткаметражны фільм падлеткаў «Простыя гісторыі» стаў лепшым у намінацыі «Мастацкі фільм» праграмы «Кіналідар» (фільмы, якія зняты дзецьмі ва ўзросце ад 10 да 18 гадоў і раскрываюць духоўна-маральныя каштоўнасці).

Мінская духоўная семінарыя адзначае 35-годдзе з моманту другога адраджэння

Пра тое, як стваралася духоўная школа, людзей, якія стаялі ля вытокаў яе стварэння, першых выпускніках і асноўных гістарычных вехах, распавядаецца ў нарысе, размешчаным на сайце Мінскай духоўнай семінарыі.