Пошук

Архіепіскап Навагрудскі і Слонімскі Гурый прыняў удзел ва ўзнагароджанні таленавітай моладзі Гродзеншчыны

27 мая 2026

27 мая 2026 года ў Жыровіцкім Свята-Успенскім манастыры прайшла ўрачыстая цырымонія ўручэння стыпендый Гродзенскага абласнога аддзялення Беларускага фонду міру адораным і таленавітым навучэнцам Гродзенскай вобласці. Усяго ўзнагарод удастоены каля 60 таленавітых дзяцей з усёй Гродзеншчыны.

У цырымоніі ўручэння прыняў удзел архіепіскап Навагрудскі і Слонімскі Гурый. Уладыка звярнуўся да прысутных з прывітальным словам, у якім адзначыў важнасць не проста быць таленавітым чалавекам, але і творцам дабра, выкарыстоўваць талент на карысць сабе, бліжняму і Айчыне.

У мерапрыемстве таксама ўдзельнічалі старшыня праўлення Гродзенскага абласнога аддзялення Беларускага фонду міру Іван Калбаска, начальнік упраўлення адукацыі Слонімскага раённага выканаўчага камітэта Святлана Валько, начальнік аддзела спорту Слонімскага раённага выканаўчага камітэта Валерый Сідорчык, начальнік аддзела культуры Слонімскага раённага выканаўчага камітэта Галіна Данільчык, а таксама прадстаўнікі райвыканкамаў Гродзенскай вобласці.

Стыпендыятамі сталі пераможцы прадметных алімпіяд, выдатнікі вучобы, прызёры і лаўрэаты творчых конкурсаў і фестываляў, спартыўных спаборніцтваў, блогеры і лідары розных арганізацый.

Для моладзевага актыву — школьнікаў, навучэнцаў і студэнтаў выхаванцамі Мінскай духоўнай семінарыі былі падрыхтаваны экскурсійныя праграмы па тэрыторыі манастыра. Таксама госці наведалі манастырскі заасад «Эдэмскі сад».

eparhia.by / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok