Пошук

У дзень святкавання Хрышчэння Русі на рацэ Нёман блізу Лаўрышаўскага манастыра здзейснена Хрышчальная Літургія

29 ліпеня 2025

28 ліпеня 2025 года, у дзень святкавання Хрышчэння Русі і памяці святога роўнаапостальнага князя Уладзіміра, на рацэ Нёман каля Елісееўскага Лаўрышаўскага мужчынскага манастыра Навагрудскай епархіі была здзейснен Хрышчальная Бажэственная Літургія.

Традыцыя здзяйснення Хрышчальнай Літургіі на рацэ Нёман зарадзілася ў 2018 годзе па благаславенню архіепіскапа Навагрудскага і Слонімскага Гурыя. У гэтым годзе святкаванне Хрышчэння Русі з'яўляецца асаблівай падзеяй, якая супадае са святкаваннем 800-годдзя з часу заснавання Лаўрышаўскай абіцелі-найстаражытнешага манастыра на Навагрудчыне.

Напярэдадні Хрышчальнай Літургіі, вечарам 27 ліпеня, у Лаўрышаўскі манастыр прыбылі ўдзельнікі сплаву на байдарках, у якім прынялі ўдзел праваслаўная моладзь і святары Навагрудскай епархіі. Удзельнікі сплаву прайшлі шлях ад вёскі Ярэмічы Карэліцкага раёна да манастыра за два дні

Бажэственную літургію ўзначаліў сакратар Навагрудскага епархіяльнага ўпраўлення протаіерэй Дзімітрый Сёмуха. Яго Высокапрападобнасці саслужылі благачынны Навагрудскай царкоўнай акругі протаіерэй Анатоль Герасімук і іерэй Ігар Пірог.

Дыяканскі чын узначаліў клірык Петра-Паўлаўскага сабора Мінска дыякан Павел Рунец. Богаслужэбныя спевы выканаў брацкі хор Лаўрышаўскага манастыра пад кіраваннем іерэя Яўгена Барташэвіча.

Таінства хрышчэння прынялі 20 чалавек ― дзеці і дарослыя з Карэліцкага, Навагрудскага і Слонімскага благачынняў Навагрудскай епархіі, а таксама вернікі з Пінскай і Брэсцкай епархій.

Па заканчэнні Літургіі протаіерэй Дзімітрый павіншаваў новаасвечаных і ўручыў ім пасведчанні аб Хрышчэнні. Затым усе прысутныя прынялі ўдзел у манастырскай трапезе.

monasteri.cerkov.ru / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok