Пошук

У праграме «Дакрананне да святла» на тэлеканале СТВ выйшла інтэрв'ю з дырэктарам Дыяканічнага дома ў Тарасаве Вольгай Залескай

28 верасня 2026

У новым выпуску праграмы «Дакрананне да святла» на тэлеканале СТВ вядучы, намеснік старшыні Сінадальнага інфармацыйнага аддзела Беларускага Экзархату Алег Лепяшанкоў пагутарыў з дырэктарам Дыяканічнага дома сацыяльнага служэння пры прыходзе храма Нараджэння Прасвятой Багародзіцы ў вёсцы Тарасава Мінскага раёна Вольгай Залескай.

З 2005 года па благаславенню першага Патрыяршага Экзарха ўсяе Беларусі Мітрапаліта Філарэта (Вахрамеева) тут дзейнічае праграма рэабілітацыі і сацыялізацыі маладых людзей з інваліднасцю, а таксама дапамогі іх сем'ям. Удзельнікі праграмы атрымліваюць вопыт пражывання па-за звыклым хатнім асяроддзем, асвойваюць бытавыя навыкі і вучацца самастойна вырашаць паўсядзённыя задачы.

Вольга Залеская расказала, што заняткі ўключаюць асновы фінансавай граматнасці, наведванне магазінаў, карыстанне грамадскім транспартам і правілы бяспечных паводзін у горадзе. Праца спецыялістаў спалучаецца з экскурсіямі, наведваннем тэатраў і музеяў, зносінамі і сумесным вольным часам. Асаблівая ўвага надаецца магчымасцям і патрэбам кожнага чалавека.

У ходзе гутаркі таксама ішла размова аб супрацоўніцтве з дзяржаўнымі сацыяльнымі службамі ў рамках дзяржаўнага сацыяльнага заказу. Тэрытарыяльныя цэнтры сацыяльнага абслугоўвання насельніцтва накіроўваюць у Дыяканічны дом сваіх падапечных, каб тыя маглі набыць вопыт самастойнага пражывання. Па словах Вольгі Залескай, штогод сюды прыязджаюць больш за дзвесце чалавек з розных рэгіёнаў Беларусі.

Асобная ўвага была ўдзелена падтрымцы бацькоў і даверным адносінам у сям'і. Дырэктар Дыяканічнага дома падкрэсліла важнасць своечасовага звароту па дапамогу і падрыхтоўкі дзяцей з інваліднасцю да дарослага жыцця. Яна таксама распавяла пра значэнне веры, наведванне набажэнстваў, індывідуальных гутарак з настаяцелем і псіхолагам для ўдзельнікаў праграмы.

Выпуск праграмы можна паглядзець па спасылцы.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok