Пошук

Выйшла кніга прафесара Мінскай духоўнай акадэміі іерэя Гардзея Шчаглова, прысвечаная даследаванню жыцця графа Аляксандра дзю Шайла

15 красавіка 2026

У сталічным выдавецтве «Каўчэг» выйшла чарговая кніга прафесара Мінскай духоўнай акадэміі, доктара царкоўнай гісторыі іерэя Гардзея Шчаглова «Граф Аляксандр дзю Шайла: француз, які любіў Расію».

Прапанаванае чытачу даследаванне прысвечана жыццю графа Аляксандра Максімавіча дзю Шайла (1885-1945), журналіста, перакладчыка, грамадскага дзеяча — чалавека няпростага і багатага лёсу. Француз-арыстакрат, каталік па хрышчэнню і выхаванню, пад уплывам рускай літаратуры ён яшчэ ў маладосці перайшоў у Праваслаўе і з'ехаў у Расію. Удзельнічаў у Першай сусветнай і грамадзянскай войнах. Пасля вяртання на радзіму актыўна спрыяў збліжэнню Францыі з Савецкай Расіяй. Супрацоўнічаў з місіяй Нансена і Чырвоным Крыжам па пытанні рэпатрыяцыі казакоў.

Герой кнігі выступаў выкрывальнікам адной з самых скандальных кніг XX стагоддзя «Пратаколы сіёнскіх мудрацоў» і сведкам на судовым працэсе ў Берне, які прызнаў яе змест сфабрыкаваным і правакацыйным. У сувязі з гэтым у літаратуры назапасілася нямала негатыўных ацэнак асобы графа з боку ідэйных праціўнікаў, што ў сукупнасці стварыла даволі скажоны вобраз гэтага чалавека.

Дадзеная кніга, напісаная на аснове шматлікіх архіўных і друкаваных крыніц, уяўляе першую спробу манаграфічнага даследавання жыцця графа А.М. дзю Шайла, дазваляючы чытачу самому зрабіць высновы аб вартасцях і недахопах гэтага чалавека. Выданне разлічана на самае шырокае кола чытачоў.

***

Іерэй Гардзей Эдуардавіч Шчаглоў — аўтар шматлікіх навуковых і навукова-папулярных работ па царкоўнай гісторыі Беларусі і Расіі, біяграфічных даследаванняў, прысвечаных малавядомым або незаслужана забытым царкоўным і грамадскім дзеячам. Сярод яго кніг — манаграфіі пра першага мінскага архіепіскапа Віктара Садкоўскага (1741-1803), свяшчэннамучаніка епіскапа Іаана (Пашына) (1881-1938), свяшчэннамучаніка Дзімітрыя Паўскага (1874-1937), буйнога царкоўнага дзеяча і вучонага канца XIX – пачатку XX ст. С. Г. Рункевіча (1867-1924), пісьменніка Д. Г. Булгакоўскага (1843-пасля 1918), захавальніка старажытнасцяў Фёдара Марозава (1883-1962) і іншыя даследаванні, заснаваныя на глыбокай архіўнай працы. Працы іерэя Гардзея Шчаглова адрозніваюцца руплівым крыніцазнаўчым аналізам і імкненнем аднавіць аб'ектыўны гістарычны вобраз герояў. Аўтар кнігі з 2010 г., з'яўляецца членам Саюза пісьменнікаў Беларусі. Лаўрэатам прэміі імя прафесара В. В. Болатава (2008 г.) і прэміі імя мітрапаліта Маскоўскага і Каломенскага Макарыя (Булгакава) (2009 г.).

Прэс-служба Мінскай духоўнай акадэміі / Church.by 

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники