Пошук

У аграгарадку Шчорсы прайшоў маладзёжны фестываль «Загавіны»

09 чэрвеня 2026

Па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, 5-7 чэрвеня 2026 года ў аграгарадку Шчорсы Навагрудскага раёна Гродзенскай вобласці прайшоў маладзёжны фестываль «Загавіны».

Увечары 5 чэрвеня ўдзельнікі прыбылі на месца правядзення фестывалю, размясціліся ў намётавым лагеры, прайшлі інструктаж па тэхніцы бяспекі і здзейснілі сумеснае вячэрняе малітоўнае правіла.

Праца фестывалю раніцай 6 чэрвеня пачалася з малебна, які ўзначаліў сакратар Навагрудскага епархіяльнага ўпраўлення протаіерэй Дзімітрый Сёмуха, якому саслужылі ўдзельнікі фестывалю ў свяшчэнным сане.

Пасля набажэнства протаіерэй Дзімітрый Сёмуха звярнуўся да прысутных са словам настаўлення і пажадаў ім правесці час з духоўнай карысцю.

На працягу дня для моладзі былі арганізаваны тэматычныя сустрэчы і гутаркі. Іерэй Давід Баброў пагутарыў з удзельнікамі аб хрысціянскай любові ў жыцці хрысціяніна.

Затым адбылася экскурсія па аграгарадку Шчорсы. Яе правёў настаяцель храма святога велікамучаніка Дзімітрыя Салунскага аграгарадка Шчорсы іерэй Дзімітрый Пачобут, які пазнаёміў удзельнікаў фестывалю з гісторыяй прыхода і аграгарадка.

У другой палове дня прайшла сустрэча з кіраўніком місіянерскага аддзела Навагрудскай епархіі іерэем Мікалаем Савіцкім і праваслаўным блогерам Ганнай Комель. У ходзе гутаркі абмяркоўваліся тэмы веры, паклікання, сучаснага сведчання пра Хрыста і сямейнага жыцця.

Увечары ўдзельнікі маліліся за ўсяночным трываннем.

Перад пачаткам Бажэственнай літургіі дыякан Іаан Ляшчанка правёў кароткую гутарку пра значэнне Еўхарыстыі ў жыцці хрысціяніна.

Цэнтральнай падзеяй фестывалю стала начная Бажэственная літургія свяціцеля Іаана Залатавуста з народным спевам у храме святога велікамучаніка Дзімітрыя Салунскага. Богаслужэнне ўзначаліў старшыня Сінадальнага аддзела па справах моладзі Беларускага Экзархату іерэй Дзімітрый Баўкуновіч. За Літургіяй удзельнікі фестывалю прычасціліся Святых Хрыстовых Таін.

Пасля набажэнства адбыліся агапа і нефармальныя зносіны ля вогнішча. Завяршыўся дзень сустрэчай світання на беразе ракі Нёман.

У рамках фестывалю 7 чэрвеня прайшла канцэртная праграма. У ёй прынялі ўдзел парафіяльныя калектывы, прадстаўнікі праваслаўных брацтваў, вакальна-інструментальны ансамбль «Тое што трэба» пад кіраваннем іерэя Іаана Гладуна, Яна Лютарэвіч, Ганна Манёнак, Багдан Грышко, Альжбета Пергунова, Юрый Котаў, група «ДПС Менестрэлі». У праграме таксама выступіў беларускі гурт «Дразды».

Канцэрт сабраў больш за 1 000 чалавек.

Перад пачаткам канцэртнай праграмы да прысутных звярнуліся старшыня Навагрудскага раённага выканаўчага камітэта Сяргей Чаркоўскі і благачынны Навагрудскай царкоўнай акругі протаіерэй Анатоль Герасімук.

Протаіерэй Анатоль Герасімук уручыў настаяцелю храма святога велікамучаніка Дзімітрыя Салунскага аграгарадка Шчорсы іерэю Дзімітрыю Пачобуту грамату Патрыяршага Экзарха ўсяе Беларусі за руплівую працу на карысць Святой Маці-Царквы.

Завяршыўся маладзёжны фестываль «Загавіны» падзячным малебнам, які ўзначаліў іерэй Дзімітрый Сідлярэвіч.

Арганізатарамі фестывалю выступілі Сінадальны аддзел па справах моладзі Беларускага Экзархату, Місіянерскі аддзел Навагрудскай епархіі і прыход храма святога велікамучаніка Дзімітрыя Салунскага аграгарадка Шчорсы.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok 

Фотарэпартаж