Пошук

Адбылося ўрачыстае адкрыццё юбілейных XXV Міжнародных Калядных адукацыйных чытанняў

25 студзеня 2017

25 студзеня 2017 года ў Дзяржаўным Крамлёўскім палацы ў Маскве адбылося ўрачыстае адкрыццё юбілейных XXV Міжнародных Калядных адукацыйных чытанняў «1917-2017: урокі стагоддзя».

Цырымоніі адкрыцця папярэднічала Бажэственная літургія ў кафедральным саборным Храме Хрыста Збавіцеля, за якой маліліся ўдзельнікі Чытанняў.

Адкрыццё і пленарнае пасяджэнне форуму ўзначаліў старшыня Міжнародных Калядных чытанняў Свяцейшы Патрыярх Маскоўскі і ўсяе Русі Кірыл.

У прэзідыуме прысутнічалі: старшыня Аргкамітэта Чытанняў, старшыня Сінадальнага аддзела рэлігійнай адукацыі і катэхізацыі мітрапаліт Растоўскі і Новачаркаскі Меркурый; міністр замежных спраў РФ С. В. Лаўроў; першы намеснік старшыні Савета Федэрацыі ФС РФ Н.У. Фёдараў; намеснік старшыні Дзяржаўнай Думы ФС РФ. П. А. Талстой; міністр культуры РФ В. Р. Мядзінскі; міністр РФ па справах грамадзянскай абароны, надзвычайных сітуацыях і ліквідацыі наступстваў стыхійных бедстваў В. А. Пучкоў; паўнамоцны прадстаўнік Прэзідэнта РФ у Цэнтральнай федэральнай акрузе, кіраўнік Рабочай групы пры Прэзідэнце РФ па пытаннях аднаўлення аб'ектаў культурнай спадчыны рэлігійнага прызначэння, іншых будынкаў і збудаванняў А. Д. Бяглоў; намеснік мэра Масквы ва ўрадзе Масквы па пытаннях рэгіянальнай бяспекі і інфармацыйнай палітыкі А. М. Гарбенка.

У зале знаходзіліся больш за 6 тысяч чалавек — члены Свяшчэннага Сінода і Вышэйшага Царкоўнага Савета Рускай Праваслаўнай Царквы, кіраўнікі мітраполій, епархіяльныя архіерэі, прадстаўнікі Памесных Праваслаўных Цэркваў, члены Аргкамітэта Міжнародных Калядных чытанняў, члены Міжрэлігійнага савета Расіі, прадстаўнікі ўрада Масквы, кіраўнікі і прадстаўнікі дыпламатычных ведамстваў, паўнамоцныя прадстаўнікі Прэзідэнта РФ у федэральных акругах, кіраўнікі федэральных службаў Расійскай Федэрацыі, кіраўнікі дэпартаментаў федэральных міністэрстваў і ведамстваў, кіраўнікі рэгіёнаў, рэктары і прадстаўнікі каля 300 расійскіх і замежных вну, дырэктары агульнаадукацыйных арганізацый, святары і педагогі.

Свяцейшы Патрыярх Кірыл абвясціў XXV Міжнародныя Калядныя адукацыйныя чытанні адкрытымі.

На цэнтральным экране Дзяржаўнага Крамлёўскага палаца быў паказаны тэматычны ролік: «25 гадоў. Чвэрць стагоддзя разам», прысвечаны юбілею Калядных чытанняў.

Затым Свяцейшы Патрыярх Кірыл выступіў з дакладам.

Паўнамоцны прадстаўнік Прэзідэнта РФ у Цэнтральнай федэральнай акрузе А. Д. Бяглоў абвясціў вітанне Прэзідэнта Расійскай Федэрацыі У. У. Пуціна і павіншаваў удзельнікаў форуму з адкрыццём  Чытанняў.

Да прысутных звярнуўся міністр замежных спраў РФ С. В. Лаўроў.

Затым выступіў першы намеснік старшыні Савета Федэрацыі Федэральнага Сходу РФ Н.У. Фёдараў, які абвясціў прывітанне старшыні Савета Федэрацыі В. І. Мацвіенка.

Міністр культуры РФ У. Р. Мядзінскі абвясціў прывітанне старшыні Урада РФ Д. А. Мядзведзева і выступіў з дакладам.

Намеснік мэра Масквы ва ўрадзе Масквы А. М. Гарбенка зачытаў прывітанне мэра расійскай сталіцы. С. С. Сабяніна.

З дакладам выступіў старшыня Аргкамітэта Чытанняў мітрапаліт Растоўскі і Новачаркаскі Мяркурый.

Свяцейшы Патрыярх Кірыл падзякаваў усім выступоўцам на афіцыйнай цырымоніі адкрыцця Калядных чытанняў і звярнуўся да прысутных з заключным словам.

У ходзе цырымоніі дэманстраваліся тэматычныя відэаролікі: «25 гадоў. Чвэрць стагоддзя разам»; «Царква і дзяржава»; «Царква і адукацыя»; «Конкурсы»; «Масква сустракае ўдзельнікаў Калядных чытанняў».

У завяршэнне афіцыйнай часткі адбыўся канцэрт.

Трансляцыя пленарнага пасяджэння ажыццяўлялася на тэлеканале «Саюз» і сайце Patriarchia.ru

***

На пасяджэнні Вышэйшага Царкоўнага Савета 17 лютага 2016 года было прынята рашэнне аб правядзенні юбілейных XXV Міжнародных Калядных адукацыйных чытанняў з 25 па 27 студзеня 2017 года ў Маскве. Форум прысвечаны тэме «1917-2017: урокі стагоддзя». Праца юбілейных Калядных чытанняў будзе весціся па 16 напрамках, удзельнікі абмяркуюць такія тэмы, як дзейнасць Рускай Праваслаўнай Царквы ў перыяд ганенняў, жыццё Царквы і традыцыя святых айцоў, гісторыя праваслаўнага храмабудаўніцтва, сацыяльная місія Царквы і іншыя.

26 студзеня адбудуцца V Калядныя Парламенцкія сустрэчы. Яны будуць прысвечаны абмеркаванню актуальных пытанняў сацыяльнага ўзаемадзеяння, грамадскага служэння, гістарычнага шляху Расіі, сучаснага развіцця дзяржавы.

У працы Чытанняў прымуць удзел больш за 15 тысяч чалавек з Расіі, Беларусі, блізкага і далёкага замежжа (Грэцыі, Злучаных Штатаў Амерыкі, Вялікабрытаніі, Германіі, Канады, Францыі, Швейцарыі). У ліку ўдзельнікаў Чытанняў — члены Свяшчэннага Сінода і Вышэйшага Царкоўнага Савета Рускай Праваслаўнай Царквы, кіраўнікі мітраполій, епархіяльныя архіерэі з Расіі, Беларусі і іншых краін кананічнай адказнасці Рускай Праваслаўнай Царквы, святары, прадстаўнікі Савета Федэрацыі і Дзяржаўнай Думы ФС РФ, члены Урада РФ, члены ўрада Масквы, прадстаўнікі рэгіянальных уладаў, грамадскія і палітычныя дзеячы, прадстаўнікі традыцыйных канфесій, дзеячы навукі, у тым ліку Расійскай акадэміі навук, Расійскай акадэміі адукацыі, Расійскай акадэміі мастацтваў, дзеячы культуры і мастацтва, кіраўнікі органаў кіравання адукацыяй, загадчыкі дашкольнымі навучальнымі арганізацыямі, дырэктары і педагогі адукацыйных школ і гімназій, рэктары, выкладчыкі і студэнты вышэйшых навучальных устаноў і духоўных школ.

Месцам правядзення Чытанняў стануць Дзяржаўная Дума ФС РФ, Грамадская палата РФ, Храм Хрыста Збавіцеля і іншыя храмы Масквы, Патрыяршыя палаты Маскоўскага Крамля, Маскоўскі гарадскі дом настаўніка, МДУ імя Ламаносава і іншыя ВНУ Масквы, сінадальныя ўстановы, Праваслаўны Свята-Ціханаўскі гуманітарны і Расійскі праваслаўны ўніверсітэты, адукацыйныя, культурныя і духоўна-асветніцкія цэнтры, школы, музеі ― усяго больш за 70 пляцовак.

У апошнія гады Чытанні ўключаюць у сябе рэгіянальны этап. Ужо двойчы — у 2015 і 2016 гадах — праводзіліся Беларускія Калядныя чытанні.

Міжнародны этап Чытанняў па склаўшайся традыцыі, праходзіць у Маскве ў канцы студзеня.

Арганізатарам і каардынатарам правядзення Чытанняў многія гады з'яўляецца Сінадальны аддзел рэлігійнай адукацыі і катэхізацыі Рускай Праваслаўнай Царквы, якім кіруе мітрапаліт Растоўскі і Новачаркаскі Меркурый, старшыня Аргкамітэта Міжнародных Калядных чытанняў. У арганізацыі і правядзенні Чытанняў удзельнічаюць усе сінадальныя структуры Рускай Праваслаўнай Царквы.

Прэс-служба Патрыярха Маскоўскага і ўсяе Русі / Church.by