Пошук

На базе Мінскай духоўнай семінарыі ўпершыню прайшоў злёт для царкоўнаслужыцеляў

07 ліпеня 2026

З 29 чэрвеня па 3 ліпеня 2026 года па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, на базе Мінскай духоўнай семінарыі ўпершыню адбыўся злёт для царкоўнаслужыцеляў — панамароў, званароў, чытальнікаў, братчыкаў, якія нясуць послух ў прыходскіх храмах Беларускай Праваслаўнай Царквы (Беларускага Экзархату Маскоўскага Патрыярхату).

Праграма была пабудавана такім чынам, каб лекцыйныя заняткі чаргаваліся з практычнымі, таму ў рамках злёту штодня праводзіліся майстар-класы, адкрытыя лекцыі і агульныя сходы груп. Для лепшай каардынацыі ўдзельнікі былі падзелены на атрады. У першыя тры дні ў хлопцаў была літургічная практыка: яны наведвалі Бажэственную літургію ў семінарскім храме і Успенскім саборы Жыровіцкага манастыра, несучы панамарскі і пеўчы послух. Акрамя таго, кожны дзень слухачы наведвалі ранішнія і вячэрнія малітвы, дзе маглі папрактыкавацца ў чытанні.

Для лепшага знаёмства з практычным бокам царкоўнага служэння хлопцы неслі послух у рызніцы, храме, эканомскай службе і на кухні, набываючы разнастайны вопыт. Каб удзельнікі адчувалі сябе камфортна, іх размеркавалі па групах, да кожнай з якіх быў прыстаўлены настаўнік. Усяго сфарміравалі шэсць груп: першую ўзначаліў чытальнік Антоній Яфіменка, другую — студэнт 4-га курса Арцемій Кісель, трэцюю — чытальнік Георгій Гудкоў, чацвёртую — студэнт 4-га курса Аркадзь Варонка, пятую — чытальнік Уладзіслаў Калач, шостую — студэнт 4-га курса Данііл Дзятлаў.

29 чэрвеня, у першы дзень злёту, мерапрыемства пачалося з малебна на пачатак усякай добрай справы, пасля якога ўдзельнікі наведалі першую лекцыю «Падрыхтоўка да таінства споведзі і прычасця», праведзеную іерэем Іаанам Канановічам. Другая лекцыя, прысвечаная ўзаемадзеянню святара з панамарамі на прыходзе і таму, як царкоўнаслужыцель можа дапамагаць прыходу, прайшла пад кіраўніцтвам іерэя Аляксандра Сыцэвіча. Трэці занятак па рыторыцы на тэму «Майстэрства дыялогу без крыку і апраўданняў» правёў іерэй Сергій Цімашэнкаў.

Далей адбыўся агульны сход з рэктарам Мінскай духоўнай семінарыі протаіерэем Віктарам Васілевічам. Ён адзначыў асаблівае значэнне царкоўнага служэння ў жыцці Царквы і пажадаў удзельнікам плённай працы.

Пасля абеду слухачы разышліся на розныя послухі. Пасля іх завяршэння ў семінарскім храме адбылася лекцыя протаіерэя Генадзя Логіна «Царкоўнае аблачэнне, царкоўнае начынне і іх сімволіка».

Далей былі арганізаваны майстар-класы «Царкоўнае чытанне і спевы» з чытальнікам Уладзіславам Калачом і «Рукадзелле» пад кіраўніцтвам выхаванак 4-га курса аддзялення царкоўных мастацтваў Сафіі Гардзевіч і Любові Цюхловай.

Увечары студэнт 2-га курса МінДС Васіліск Ніканчук правёў спартландыю. Завяршыўся першы дзень агульным сходам у актавай зале і падвядзеннем вынікаў з чытальнікам Антоніем Яфіменкам.

У другі дзень злёту, 30 чэрвеня, яго ўдзельнікаў чакалі як адукацыйныя, так і культурна-практычныя падзеі. У першай палове дня прайшлі тры лекцыі, прысвечаныя царкоўнаму ўставу: «Царкоўная іерархія: епіскап, свяшчэннік, дыякан, алтарнік» (іерэй Мікалай Савіцкі), «Уважлівасць і глыбокая павага на алтарнага послуху» (протаіерэй Вячаслаў Гаплічнік) і «Царкоўны ўстаў. Паследаванне Бажэственнай літургіі» (іерадыякан Агафон (Грышкавец)). Затым удзельнікам былі прапанаваны майстар-класы: па свячной справе (правёў выпускнік Мінскай духоўнай семінарыі Арцемій Абражэй), званавым звоне (правёў святар Мікалай Бусько) і іканапісу (правяла выхаванка 3-га курса Аддзялення царкоўных мастацтваў Зоя Лялько). Завяршыўся дзень спартыўнымі спаборніцтвамі.

Трэці дзень злёту таксама быў напоўнены майстар-класамі, практычнымі заняткамі і лекцыямі. Сярод выступоўцаў былі іераманах Давід (Куцкевіч) з лекцыяй «Старажытны свет: рэлігія і атрыбутыка», іераманах Даміян (Ліпчэўскі) з тэмай «Як быць хрысціянінам у сучасным свеце» і іераманах Мікалай (Чабатароў) з лекцыяй «Як абараняць веру і абараняцца».

Акрамя вучэбнай нагрузкі, удзельнікі здзейснілі паломніцтва ў жаночы манастыр прападобнага Амврозія Опцінскага ў вёсцы Русакова, дзе пагутарылі з настаяцельніцай манастыра ігуменіяй Макарыяй (Мацяш).

Дзень завяршыўся сумеснымі вячэрнімі малітвамі і правілам да святога Прычашчэння. Малітоўны спеў канона да Прычашчэння выканаў дзіцячы зводны хор семінарскага храма пад кіраўніцтвам чытальніка Уладзіслава Калача.

У чацвёрты дзень злёту ўдзельнікі маліліся за Бажэственнай літургіяй.

Завяршыўся дзень у заасадзе, дзе для ўсіх была арганізавана сумесная прагулка і пікнік.

У завяршальны дзень злёту ўдзельнікі праслухалі лекцыі «Евангелле: як чытаць і чаму яно актуальна ва ўсе часы» іерэя Арцемія Кірко і «Апостальскія пасланні: хто такія апосталы, каму і навошта яны пісалі свае пасланні» чытальніка Антонія Яфіменка. Пасля заняткаў былі здзейснены заупакойныя памінанні ўсіх, хто ў гады Вялікай Айчыннай вайны аддаў жыццё за Айчыну і народ, быў закатаваны ў палоне, памёр ад цяжкіх ран, голаду і нястачы.

У завяршэнне рэктар духоўнай школы звярнуўся з бацькоўскім словам настаўлення да ўдзельнікаў і арганізатараў злёту і ўручыў ім сертыфікаты і памятныя падарункі. Затым у семінарскім храме ўдзельнікі сабраліся на падзячны малебен, пасля якога прайшоў агульны сход, дзе былі падведзены вынікі злёту.

Фотарэпартаж

minds.by / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok