Пошук

Мінская духоўная семінарыя запрашае на багаслоўскія курсы выхаднога дня па паглыбленым вывучэнні Свяшчэннага Пісання Старога Запавету

15 снежня 2025

З 19 па 21 снежня 2025 года па благаславенню Мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, на базе Мінскай духоўнай семінарыі ў вочным фармаце будуць праводзіцца багаслоўскія курсы выхаднога дня «Свяшчэннае Пісанне Старога Запавету: багаслоўе, тэксталогія, экзэгеза».

Мэта курсаў — далучэнне слухачоў да святаайцоўскай традыцыі вывучэння і тлумачэння старазапаветных тэкстаў Бібліі. Курсы арыентаваны на прыхаджан праваслаўных храмаў, студэнтаў, выпускнікоў і выкладчыкаў вышэйшых і сярэдніх навучальных устаноў, а таксама на ўсіх, хто жадае павысіць узровень сваіх ведаў у галіне праваслаўнага веравучэння.

Заняткі вядуць выкладчыкі профільных дысцыплін у Мінскай духоўнай семінарыі.

Лекцыі будуць зразумелыя і цікавыя як для тых, хто толькі пачынае пазнаваць праваслаўнае веравучэнне, так і для ўжо уцаркоўленых людзей, якія жадаюць дапоўніць або паглыбіць свае веды.

Па заканчэнні кожнай лекцыі выкладчыкі абмяркоўваюць тэму лекцыі са слухачамі, а таксама адказваюць на пытанні.

Тэматычныя напрамкі багаслоўскіх курсаў:

Багаслоўе Старога Запавету.

Экзегетыка Свяшчэннага Пісання Старога Запавету.

Ісагогіка Свяшчэннага Пісання Старога Запавету.

Біблейская археалогія.

Падрабязная інфармацыя аб курсах размешчана на сайце Мінскай духоўнай семінарыі па спасылцы.

Мінская духоўная семінарыя / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok