Завяршыўся шасцідзённы велапрабег, прысвечаны 80-годдзю Перамогі ў Вялікай Айчыннай вайне і 900-годдзю заснавання Спаса-Еўфрасіннеўскага манастыра
19 ліпеня 2025
19 ліпеня 2025 года мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў падзячны малебен у Храме-помніку ў гонар Усіх Святых і ў памяць аб ахвярах, якія выратаванню Айчыны нашай паслужылі, горада Мінска.
Богаслужэнне было прымеркавана да завяршэння шасцідзённага велапрабегу, прысвечанага 80-годдзю Перамогі ў Вялікай Айчыннай вайне і 900-годдзю з дня заснавання Спаса-Еўфрасіннеўскага мітрапалічага жаночага манастыра.
Яго Высокапраасвяшчэнству саслужылі старшыня Сінадальнага аддзела Беларускай Праваслаўнай Царквы па развіцці паломніцтва і прынясенню святынь, благачынны 7-га Мінскага гарадскога благачыння, настаяцель прыхода храма прападобнага Серафіма Сароўскага горада Мінска протаіерэй Аляксандр Шырытон і клірыкі Усіхсвяцкага прыхода горада Мінска.
Дыяканскі чын здзейсніў протадыякан Уладзімір Назараў.
Богаслужэбныя спевы выканаў мужчынскі хор пад кіраваннем Дзмітрыя Такмакова.
На набажэнстве прысутнічалі Упаўнаважаны па справах рэлігій і нацыянальнасцяў Рэспублікі Беларусь Аляксандр Румак; міністр спорту і турызму Рэспублікі Беларусь Сяргей Кавальчук; благачынны 4-й Мінскай гарадской царкоўнай акругі, старшыня Сінадальнага аддзела па супрацоўніцтве са свецкімі ўстановамі адукацыі, старшыня парафіяльнага савета прыхода ў гонар Усіх Святых горада Мінска протаіерэй Фёдар Поўны; ганаровыя госці і ўдзельнікі велапрабегу.
Па заканчэнні малебна Мітрапаліт Веніямін звярнуўся да прысутных са словам настаўлення. Таксама архіпастыр падзякаваў Упаўнаважанаму па справах рэлігій і нацыянальнасцей Аляксандру Румаку, міністру спорту і турызму Сяргею Кавальчуку і ўсім тым, хто папрацаваў у арганізацыі велапрабегу па месцы яго следавання.
Патрыяршы Экзарх адзначыў намесніка міністра спорту і турызму Алега Андрэйчыка медалём прападобнай Еўфрасінні Полацкай.
Чытайце нас у мэсэнджэрах Telegram і Viber,
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
