Пошук

Патрыяршы Экзарх здзейсніў вялікую вячэрню ў Гродзенскім мітрапалічым жаночым манастыры Нараджэння Багародзіцы ў аўторак Светлага тыдня

14 красавіка 2026

14 красавіка 2026 года, у аўторак Светлага тыдня, Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў вялікую вячэрню ў саборы Нараджэння Багародзіцы аднайменнага Гродзенскага мітрапалічага жаночага манастыра.

Яго Высокапраасвяшчэнству саслужылі архіепіскап Навагрудскі і Слонімскі Гурый, архіепіскап Гродзенскі і Ваўкавыскі Антоній, епіскап Лідскі і Смаргонскі Парфірый, адказны сакратар упраўлення спраў Беларускага Экзархату протаіерэй Андрэй Волкаў, старшыня Сінадальнай гістарычнай камісіі Беларускага Экзархату протаіерэй Аляксандр Раманчук, сакратар Гродзенскай епархіі протаіерэй Мікалай Лабынько, а таксама клірыкі манастыра.

Дыяканскі чын узначаліў протадыякан Уладзімір Назараў.

За богаслужэннем маліліся ігумення Гаўрыіла (Глухава) з сёстрамі манастыра.

У храме прысутнічалі старшыня Гродзенскага абласнога выканаўчага камітэта Юрый Караеў і памочнік Прэзідэнта Рэспублікі Беларусь — інспектар па Гродзенскай вобласці Канстанцін Бурак.

Перад пачаткам набажэнства на тэрыторыі манастыра была здзейснена ліція аб упакаенні Мітрапаліта Філарэта (Вахрамеева) і мітрапаліта Іосіфа (Сямашкі), пасля чаго адбылося ўскладанне кветак да манументаў у гонар незабыўных архіпастыраў.

Па заканчэнні вялікай вячэрні Мітрапаліт Веніямін звярнуўся да багамольцаў з архіпастырскім словам. Затым з прывітаннем і падзякай за візіт і сумесныя малітвы да Патрыяршага Экзарха звярнулася ігумення Гаўрыіла. Пасля гэтага слова было прадастаўлена старшыні Гродзенскага аблвыканкама Юрыю Караеву.

На заканчэнне богаслужэння Мітрапаліт Веніямін павіншаваў прысутных са Светлым Хрыстовым Уваскрасеннем І паднёс прыхаджанам велікодныя яйкі.

Church.by 

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники

Фотарэпартаж