Хрэсны ход на месца масавых расстрэлаў адбыўся ў Магілёве
05 лютага 2018
4 лютага 2018 года, у Нядзелю пра блуднага сына, свята Сабора навамучанікаў і вызнаўцаў Царквы Рускай, архіепіскап Магілёўскі і Мсціслаўскі Сафроній узначаліў Бажэственную літургію ў храме Царскіх страстацерпцаў і ўсіх навамучанікаў і вызнаўцаў Царквы Рускай ў горадзе Магілёве.
Яго Высокапраасвяшчэнству саслужылі: сакратар Магілёўскага епархіяльнага ўпраўлення протаіерэй Генадзь Пацэвіч, протаіерэй Аляксандр Ганчарук, протаіерэй Сергій Лабада, протаіерэй Анатоль Серадзінскі, протаіерэй Георгій Пінчук, настаяцель храма протаіерэй Сергій Белавус, іерэй Павел Драздоў.
Богаслужэбныя спевы выканаў хор пад кіраўніцтвам Генадзя Цярэнцьева.
Па заканчэнні Літургіі адбыўся малебен навамучанікам і вызнаўцам Царквы Рускай.
Пасля богаслужэння быў здзейснены хрэсны ход з абразом Царскіх страстацерпцаў да месца, дзе ў Магілёве расстрэльвалі людзей падчас крывавых рэпрэсій у 20-х і 30-х гадах XX стагоддзя. Тут архіепіскап Сафроній прамовіў пропаведзь, а затым была адслужана паніхіда аб «усіх нявінна пакутаваўшых з-за багаборцаў у гады ганенняў».
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
