Напярэдадні Нядзелі 14-ай пасля Пяцідзесятніцы, мітрапаліт Павел здзейсніў усяночнае трыванне ў Свята-Духавым кафедральным саборы горада Мінска

9 верасня, напярэдадні Нядзелі 14-ай пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.

Адбылася сустрэча Патрыяршага Экзарха і Прадстаўніка ЮНІСЕФ у Рэспубліцы Беларусь

8 верасня ў Мінскім епархіяльным упраўленні адбылася сустрэча мітрапаліта Мінскага і Заслаўскага Паўла, Патрыяршага Экзарха ўсяе Беларусі, і доктара Рашэда Мустафы Сарвара, Прадстаўніка ЮНІСЕФ у Рэспубліцы Беларусь.

Прадстаўнік Беларускай Праваслаўнай Царквы бярэ ўдзел у 21-м Міжнародным кангрэсе Дабрачыннай арганізацыі «Рэнавабіс»

6 верасня ў горадзе Мюнхен (ФРГ) адкрыўся 21-ы Міжнародны кангрэс Дабрачыннай арганізацыі «Рэнавабіс», прысвечаны тэме «Крызіс як шанец для Еўропы. Адказнасць Цэркваў». Мітрапаліт Мінскі і Заслаўскі Павел, Патрыяршы Экзарх усяе Беларусі, накіраваў удзельнікам Кангрэсу прывітальнае слова.

Прадстаўнікі Беларускага Экзархату прынялі ўдзел у абмеркаванні фарміравання адзінай адукацыйнай прасторы для духоўных школ Рускай Праваслаўнай Царквы

Вучэбны камітэт РПЦ правёў першы міжнародны вэбінар «Перадумовы фарміравання адзінай адукацыйнай прасторы для духоўных навучальных устаноў на тэрыторыі краін кананічнай адказнасці Рускай Праваслаўнай Царквы». Найбольшая колькасць удзельнікаў падключылася да вэбінару з Беларусі.

Прадстаўнікі Беларускай Праваслаўнай Царквы бяруць удзел у 25-м Міжнародным сімпозіуме па праваслаўнай духоўнасці

6 верасня ў Спаса-Праабражэнскім манастыры ў Базэ (Італія) ў 25-ы раз пачаў работу штогадовы Міжнародны сімпозіум па праваслаўнай духоўнасці, прысвечаны тэме «Дар гасціннасці». Па благаславенню Патрыяршага Экзарха ўсяе Беларусі ўдзел у сімпозіуме прымаюць епіскап Гомельскі і Жлобінскі Сцяфан і шэраг прадстаўнікоў Беларускага Экзархату.

Выдадзены пераклад Свяшчэннага Пісання Новага Запавету на сучасную беларускую мову

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, у Беларускай Праваслаўнай Царкве выдадзены новы пераклад Свяшчэннага Пісання Новага Запавету на сучасную беларускую мову.

Да 12 верасня ў Мазыры будзе знаходзіцца ікона Божай Маці «Юравіцкая-Міласэрная»

Па благаславенню епіскапа Тураўскага і Мазырскага Леаніда у кафедральны сабор святога Архангела Міхаіла ў горадзе Мазыры была прынесена ікона Прасвятой Багародзіцы «Юравіцкая-Міласэрная» — адна з галоўных святынь Палескага краю.

У Гомельскай епархіі завяршылася акцыя «Збяры партфель у школу»

У дапамозе дзецям з малазабяспечаных, шматдзетных і няпоўных сем'яў, а таксама дзіцячых дамоў і грамадскіх арганізацый прынялі ўдзел многія прыходы Гомельскай епархіі. Больш за 600 дзяцей, якія маюць патрэбу ў дапамозе, атрымалі школьныя прыналежнасці.

Вызначаны пераможцы III Рэспубліканскага конкурсу «Бібліятэка — цэнтр духоўнай асветы і выхавання»

Конкурс праводзіцца штогод з мэтай актывізацыі асветніцкай дзейнасці бібліятэк рэспублікі, удасканаленню іх работы па выхаванню патрыятызму і грамадзянскасці дзяцей і моладзі на аснове праваслаўных традыцый, садзейнічае фарміраванню духоўна-маральных якасцей асобы.

Экалагічны семінар «Праз стварэнне да Тварца» пройдзе ў Бабруйску

16-17 верасня ў духоўна-асветніцкім цэнтры «Дружба» (горад Бабруйск) адбудзецца семінар «Праз стварэнне да Тварца», прысвечаны Дню малітвы аб Божым стварэнні. Заяўкі на ўдзел прымаюцца да 14 верасня.

На руінах замкавай царквы ў Гродна быў прачытаны акафіст, складзены Скарынам

3 верасня ў рамках святкавання Дня беларускага пісьменства і 500-годдзя беларускага кнігадрукавання святары Пакроўскага кафедральнага сабора горада Гродна здзейснілі на мове арыгінала чытанне акафіста «Пресладкому їмени Госпада нашага Іісуса Хріста», складзенага Францыскам (у Святым Хрышчэнні Георгіем) Скарынам.

Адбылася сустрэча Надзвычайнага і Паўнамоцнага Пасла Рэспублікі Польшча ў Рэспубліцы Беларусь Конрада Паўліка і архіепіскапа Віцебскага і Аршанскага Дзімітрыя

1 верасня Надзвычайны і Паўнамоцны Пасол Рэспублікі Польшча ў Рэспубліцы Беларусь Конрад Паўлік наведаў Віцебск. У рамках візіту ва Успенскім кафедральным саборы адбылася сустрэча кіраўніка польскай дыпламатычнай місіі і архіепіскапа Віцебскага і Аршанскага Дзімітрыя.

Дабрачынная акцыя «Радасць ведаў» прайшла ў Мінску

Кульмінацыяй акцыі стала наведванне 4 верасня Цэнтра карэкцыйна-развіваючага навучання і рэабілітацыі Першамайскага раёна і дзіцячых садоў №№ 174 і 190, дзе адбылося тэатралізаванае прадстаўленне і былі ўручаны падарункі больш чым 200 выхаванцам.

Жыхары Полацка і Наваполацка азнаёмяцца з праваслаўнымі святынямі Смаленшчыны і Беларусі

Па благаславенню Патрыяршага Экзарха 4 верасня ў Полацкім гарадскім Палацы культуры адкрылася перасоўная фотавыстава «Праваслаўныя храмы Смаленшчыны і Беларусі як сімвалы духоўнага яднання брацкіх народаў». Выстава будзе працаваць да 15 верасня. Арганізатарамі выставы выступілі Сінадальны аддзел рэлігійнай адукацыі і катэхізацыі Беларускага Экзархату і Смаленская епархія Рускай Праваслаўнай Царквы пры падтрымцы адміністрацыі Смаленскай вобласці Расіі і міжнароднага грантавага конкурсу «Праваслаўная ініцыятыва».

Ганаровым госцем лінейкі ў Кармянскай сярэдняй школе стаў епіскап Гомельскі і Жлобінскі Сцяфан

Раней па благаславенню правячага архіерэя Гомельская епархія аплаціла рамонтныя работы ў Кармянскай школе. Дырэктар школы Кацярына Балюнова падзякавала епіскапу Сцяфану за дабрачынную дапамогу.