Пошук

Патрыяршы Экзарх асвяціў храм у гонар Пакрова Прасвятой Багародзіцы вёскі Чачкава

21 снежня 2019

21 снежня 2019 года, у суботу 27-га тыдня пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын вялікага асвячэння храма ў гонар Пакрова Прасвятой Багародзіцы вёскі Чачкава Мінскага раёна, а затым узначаліў у гэтым храме Бажэственную літургію.

Патрыяршаму Экзарху саслужылі: благачынны 2-й Мінскай раённай царкоўнай акругі, настаяцель прыхода храма Праабражэння Гасподняга горада Заслаўя Мінскага раёна протаіерэй Мікалай Мазгоў; сакратар Мінскай епархіі протаіерэй Андрэй Волкаў; настаяцель прыхода храма Нараджэння Прасвятой Багародзіцы вёскі Старое Сяло Мінскага раёна протаіерэй Павел Ківовіч; настаяцель Пакроўскага прыхода іерэй Алег Мешчаракоў.

На малым уваходзе мітрапаліт Павел, у сувязі са сканчэннем будаўніцтва храма, абвясціў указ аб узнагароджанні настаяцеля Пакроўскага храма і ўсклаў на іерэя Алега Мешчаракова нагрудны крыж залатога колеру.

Пропаведзь перад Прычасцем прамовіў іерэй Алег Мешчаракоў.

Богаслужэбныя спевы выканаў хор пад кіраўніцтвам Аляксандра Скалабана.

Пасля адпуста Бажэственнай літургіі мітрапаліт Павел уручыў узнагароды Беларускай Праваслаўнай Царквы будаўнікам і дабрачынцам парафіі.

Уладыка Экзарх уручыў настаяцелю напрастольнае Евангелле, перададзенае Свяцейшым Патрыярхам Маскоўскім і ўсяе Русі Кірылам для новаасвячоных храмаў Беларускага Экзархату.

Мітрапаліт Павел павіншаваў усіх прысутных з асвячэннем храма, а затым звярнуўся са словам настаўлення. На малітоўную памяць усім, хто наведаў святочнае набажэнства, уладыка Павел уручыў абразкі Пакрова Прасвятой Багародзіцы.

Church.by

Фотарэпартаж