Нацыянальная акадэмія навук Беларусі і Беларуская Праваслаўная Царква вызначылі напрамкі супрацоўніцтва на 2018 год
27 снежня 2017
26 снежня 2017 года мітрапаліт Мінскі і Заслаўскі Павел, Патрыяршы Экзарх усяе Беларусі, і Старшыня Прэзідыума Нацыянальнай акадэміі навук Беларусі Уладзімір Рыгоравіч Гусакоў падпісалі Комплексны план сумесных мерапрыемстваў на 2018 год.
Комплексны план ахапіў усе асноўныя напрамкі супрацоўніцтва Нацыянальнай акадэміі навук Беларусі і Беларускай Праваслаўнай Царквы.
Мерапрыемствы плана накіраваны на аказанне навукова-арганізацыйнай і метадалагічнай дапамогі навукоўцам-тэологам у падрыхтоўцы дысертацыйных даследаванняў па праблемах гісторыі Царквы, духоўнай культуры, філасофіі, мовы і літаратуры.
Прадугледжана правядзенне сумесных навуковых даследаванняў па духоўна-маральнай, рэлігійна-філасофскай, культурна-гістарычнай тэматыцы, а таксама па пытаннях духоўных традыцый беларускай сям'і.
Запланавана сумесная арганізацыя шэрагу навуковых форумаў, канферэнцый, круглых сталоў. У план уключаны Міжнародныя Кірыла-Мяфодзіеўскія чытанні і Беларускія Калядныя чытанні, якія сталі ўжо традыцыйнымі.
Пад эгідай Нацыянальнай акадэміі навук Беларусі і Беларускай Праваслаўнай Царквы ў 2018 годзе пройдзе конкурс навуковых работ маладых вучоных па сучасных праблемах рэлігіязнаўства, гісторыі Праваслаўя і пытаннях ролі Праваслаўнай Царквы ў фармаванні духоўных, культурна-гістарычных і дзяржаўных традыцый беларускага народа.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
