Пошук

Прадстаўніца Беларускай Праваслаўнай Царквы прыняла ўдзел у міжнароднай маладзёжнай канферэнцыі па праблемах царкоўнага мастацтва

02 лютага 2018

У рамках Міжнародных Калядных чытанняў у Акадэміі Ільі Глазунова ў Маскве адбылася моладзевая канферэнцыя, прысвечаная праблемам сучаснага царкоўнага мастацтва і іканапісу.

Арганізатары канферэнцыі: Расійская акадэмія жывапісу, скульптуры і дойлідства Ільі Глазунова, Патрыяршы савет па культуры, Праваслаўны Свята-Ціханаўскі гуманітарны ўніверсітэт, Праваслаўны гуманітарны інстытут «Са-дзеянне», Іканапісная школа імя прп. Аліпія Пячэрскага, Міжвузаўскі іканапісны савет.

У пасяджэнні прыняў удзел старшыня Экспертнага савета па царкоўнаму мастацтву, архітэктуры і рэстаўрацыі, захавальнік старажытнасцяў Маскоўскай гарадской епархіі протаіерэй Леанід Калінін.

Даклад «Распрацоўка іканаграфіі — пропаведзь вучэння Царквы. Сучасны вопыт і праблемы» прадставіў протаіерэй Мікалай Чарнышоў, намеснік епархіяльнага захавальніка старажытнасцяў Маскоўскай гарадской епархіі, клірык Мікольскага храма на Марасейцы, дацэнт кафедры іканапісу факультэта царкоўных мастацтваў ПСЦГУ.

Марыя Нецвятаева, старшыня Сінадальнага аддзела па царкоўнаму мастацтву, архітэктуры і рэстаўрацыі Беларускай Праваслаўнай Царквы, загадчыца Царкоўна-гістарычным музеем БПЦ, у сваім дакладзе прадставіла крытычны агляд выставы работ сучасных іканапісцаў у Мінску «Святыя непадзеленай Царквы».

Па дадзеным дакладзе протаіерэй Леанід Калінін даў разгорнуты каментарый. Была дадзена ацэнка вартасцяў і недахопаў выставы ў Мінску і прагучаў заклік працягваць у святаайцоўскім рэчышчы працу па вывучэнню жыццяў і іканаграфій старажытных святых з наступным іх царкоўным разглядам і зацвярджэннем. Гэта выключыць магчымую двухсэнсоўнасць ў трактоўцы вобразаў святых старажытнай непадзеленай Царквы.

— Нельга не адзначыць вялікую арганізацыйную працу, праведзеную ў Мінску, супрацоўніцтва свецкіх і царкоўных спецыялістаў, мастацтвазнаўцаў і, вядома ж, саміх мастакоў, вартых сур'ёзнай увагі з боку Царквы. Наданне тэме іканаграфій святых непадзеленай Царквы праваслаўнай царкоўнасці духоўна ўмацуе ўдзельнікаў і наставіць іх на верны шлях, па якім ішлі нашы продкі — складальнікі жыццяў і іканаграфій, — адзначыў айцец Леанід.

Рэктар Праваслаўнага гуманітарнага інстытута «Са-дзеянне» Таццяна Кандрацьева выступіла з паведамленнем «Праваслаўныя храмы Віцебска і каталіцкія касцёлы. Дзве традыцыі». Загадчыца кафедры іканапісу факультэта царкоўных мастацтваў ПСЦГУ Кацярына Шэка прадставіла даклад «Высокі і нізкі іканастас».

Па выніках канферэнцыі будзе выпушчаная брашура з асноўнымі дакладамі і каментарыямі.

Патрыярхія.ru / Church.by