Студэнты-тэолагі правялі лекцыю для ўсіх старшакласнікаў школ Ганцавіцкага раёна

25 лютага выязны лекторый Музея Бібліі Інстытута тэалогіі Беларускага дзяржаўнага ўніверсітэта адбыўся ў горадзе Ганцавічы. Студэнты Інстытута тэалогіі распавялі аб перакладах Бібліі на беларускую мову і аб развіцці біблеістыкі ў XXI стагоддзі.

Патрыяршы Экзарх узначаліў чарговае пасяджэнне Савета Інстытута тэалогіі Беларускага дзяржаўнага ўніверсітэта

24 лютага пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, рэктара Інстытута тэалогіі Беларускага дзяржаўнага ўніверсітэта, адбылося чарговае пасяджэнне Савета Інстытута тэалогіі.

Прадстаўнікі Беларускай Праваслаўнай Царквы і Міністэрства адукацыі Рэспублікі Беларусь абмеркавалі выкананне Праграмы супрацоўніцтва

У пасяджэнні Каардынацыйнага савета прынялі ўдзел: мітрапаліт Мінскі і Заслаўскі Павел, Патрыяршы Экзарх усяе Беларусі; Ігар Васільевіч Карпенка, Міністр адукацыі Рэспублікі Беларусь; Леанід Паўлавіч Гуляка, Упаўнаважаны па справах рэлігій і нацыянальнасцяў.

Прафесар Мінскай духоўнай акадэміі сабраў матэрыялы для кнігі аб гісторыі Скобелеўскага ваеннага лагера

У рамках праекта «У пошуках страчанага», які рэалізуецца газетай «СБ — Беларусь сёння», выйдзе кніга пра гісторыю Скобелеўскага ваеннага лагера пад Баранавічамі. Незвычайную тэму з ваеннай гісторыі краіны даследавалі гісторык Уладзімір Ліхадзедаў, прафесар Мінскай духоўнай акадэміі іерэй Гардзей Шчаглоў і аўтар кніг па гісторыі Уладзімір Пефціеў.

Сінадальная камісія Беларускага Экзархату па пытаннях абароны мацярынства арганізавала семінар «Псіхапаталогія падчас цяжарнасці і пасля родаў»

Мінская духоўная акадэмія гасцінна прыняла ў сваіх сценах 36 спецыялістаў, якія працуюць з цяжарнымі жанчынамі і іх сем'ямі, з усіх куткоў нашай краіны: Мінска, Гомеля, Брэста, Бабруйска, Вілейкі, Гродна, Магілёва.

Патрыяршы Экзарх узначаліў пасяджэнне Вучонай рады Мінскай духоўнай акадэміі

17 лютага ў Мінскай духоўнай акадэміі адбылося чарговае пасяджэнне Вучонай рады, якое ўзначаліў мітрапаліт Мінскі і Заслаўскі Павел, Патрыяршы экзарх усяе Беларусі.

Майстар-клас для выкладчыкаў асноў праваслаўнай культуры прайшоў у Лідзе

15 лютага ў сярэдняй школе № 11 горада Ліды адбыўся майстар-клас на тэму «Інфармацыйна-камунікацыйныя тэхналогіі ў дзейнасці настаўнікаў, якія вядуць факультатыў «Асновы праваслаўнай маральнасці (культуры)»».

Патрыяршы Экзарх узначаліў урачыстасці з нагоды актавага дня Мінскай духоўнай семінарыі

12 лютага, у Нядзелю пра блуднага сына і дзень памяці Сабора ўсяленскіх вучыцеляў і свяціцеляў Васілія Вялікага, Грыгорыя Багаслова і Іаана Залатавуста, адбыліся ўрачыстасці з нагоды актавага дня Мінскай духоўнай семінарыі.

Ва ўсіх школах Бярозы прайшлі лекцыі аб Бібліі

Выязны лекторый Музея Бібліі Інстытута тэалогіі Беларускага дзяржаўнага ўніверсітэта правёў серыю выступленняў у горадзе Бяроза Брэсцкай вобласці. Аповед пра гісторыю выдання 500 гадоў таму доктарам Францыскам Скарынам першай друкаванай Бібліі на старабеларускай мове пачулі больш за дзвесце юных беларусаў.

У Беларускай Праваслаўнай Царкве абмяркоўваецца падрыхтоўка да юбілейных урачыстасцей 2017-2019 гадоў

Пад старшынствам Патрыяршага Экзарха адбылося першае працоўнае пасяджэнне Арганізацыйнага камітэта Беларускай Праваслаўнай Царквы па падрыхтоўцы і правядзенню ў 2017-2019 гадах у епархіях БПЦ юбілейных урачыстасцяў, прымеркаваных да 300-годдзя з дня нараджэння свяціцеля Георгія (Каніскага), 220-годдзю з дня нараджэння і 150-годдзю з дня смерці мітрапаліта Літоўскага і Віленскага Іосіфа (Сямашкі) і 180-годдзю Полацкага сабора 1839 года.

Выйшаў зборнік матэрыялаў міжнароднай канферэнцыі «Эканоміка, хрысціянства і сацыяльныя інстытуты»

У выдавецтве Мінскай духоўнай акадэміі выйшаў зборнік матэрыялаў Міжнароднай навукова-практычнай канферэнцыі «Эканоміка, хрысціянства і сацыяльныя інстытуты», якая праходзіла 28-29 студзеня 2017 года ў Мінску.

Прафесар Маскоўскай духоўнай акадэміі прачытаў для духавенства Гродзенскай епархіі лекцыю аб сацыяльных поглядах прападобнага Іосіфа Волацкага

2 лютага ў харавым класе прыходскага комплексу гродзенскага Пакроўскага кафедральнага сабора адбылася сустрэча духавенства епархіі з прафесарам Маскоўскай духоўнай акадэміі Уладзімірам Міхайлавічам Кірыліным.

Пытанні праваслаўнай місіі і катэхізацыі ва ўмовах сучаснай свецкай дзяржавы былі разгледжаны на круглым стале «Рэлігійная адукацыя ў краінах СНД і Балтыі»

У мерапрыемстве, якое праходзіла ў Малахітавай зале маскоўскага гасцінічнага комплексу «Данілаўскі», прынялі ўдзел прадстаўнікі Азербайджана, Беларусі, Казахстана, Кыргызстана, Латвіі, Літвы, Расіі, Таджыкістана, Узбекістана, Украіны і Эстоніі.

Прадстаўнікі Беларускай Праваслаўнай Царквы прынялі ўдзел у круглым стале «Шлях свяціцеля Мікалая Японскага: ад бярозы да сакуры»

У працы круглага стала прынялі ўдзел святары, навукоўцы-японазнаўцы, дыпламаты, прадстаўнікі бізнесу, асацыяцыі гідаў-перакладчыкаў і многія іншыя спецыялісты.

У Мінскай духоўнай акадэміі адбылася міжнародная навукова-практычная канферэнцыя «Эканоміка, хрысціянства і сацыяльныя інстытуты»

28-29 студзеня ў Мінскай духоўнай акадэміі адбылася міжнародная навукова-практычная канферэнцыя «Эканоміка, хрысціянства і сацыяльныя інстытуты», у якой прынялі ўдзел навукоўцы з Беларусі, Расіі, Грузіі, Польшчы і Украіны.