У калекцыі экспанатаў царкоўна-археалагічнага музея МінДС новае папаўненне

Неацэнным набыткам для семінарскага музея стаў ліст прападобнамучаніка Серафіма (Шахмуця; 1901-1946) да сваёй духоўнай дачкі інакіні Вольгі (Дуброўскай), насельніцы Жыровіцкага (затым Полацкага) манастыра.

Архіепіскап Полацкі Феадосій сустрэўся з педагогамі і навучэнцамі Баравухскай школы

У ДУА «Баравухская СШ № 15 горада Наваполацка» адбылася сустрэча педагогаў і навучэнцаў з архіепіскапам Полацкім і Глыбоцкім Феадосіем. Мерапрыемства было арганізавана адміністрацыяй школы і старшынёй Баравухскага пасялковага выканаўчага камітэта Віталём Васкаловічам.

Археалагічны летнік для моладзі і падлеткаў запрашае да ўдзелу

У археалагічнай экспедыцыі, якая праводзіцца пры Свята-Елісееўскім Лаўрышаўскім мужчынскім манастыры ў Навагрудскім раёне, штогод арганізуецца валанцёрская група моладзі і падлеткаў. Сёлета група будзе дзейнічаць з 13 па 28 ліпеня. Запрашаюцца добраахвотнікі з ліку моладзі, студэнтаў і навучэнцаў, якім цікава правесці 2 тыдні ў добрай сяброўскай кампаніі, паспрабаваць сябе ва ўмовах экспедыцыйнага жыцця і займацца карыснай для грамадства справай.

Прадстаўнікі праваслаўнай моладзі з Беларусі і ЗША сустрэліся за круглым сталом

У Мінскай духоўнай акадэміі адбыўся круглы стол «Захаванне Праваслаўя ў сучасным свеце». У сценах МінДА сустрэліся маладыя праваслаўныя мінчане і іх аднагодкі з ЗША. Амерыканскую дэлегацыю ўзначаліў намеснік старшыні моладзевага Сінадальнага аддзела РПЦЗ протаіерэй Андрэй Сомер.

У Мінскай духоўнай семінарыі пройдуць заняткі Летняга багаслоўскага інстытута

З 25 па 30 чэрвеня на базе Мінскай духоўнай семінарыі будуць праходзіць заняткі Летняга багаслоўскага інстытута. Колькасць месцаў абмежавана. Заяўкі на ўдзел прымаюцца да 20 чэрвеня.

У Мінскай духоўнай акадэміі адбудзецца сустрэча амэрыканскай і беларускай праваслаўнай моладзі

20 мая ў 13:00 у Мінскай духоўнай акадэміі адбудзецца круглы стол «Захаванне Праваслаўя ў сучасным свеце». У круглым стале возьмуць удзел прадстаўнікі амерыканскай і беларускай праваслаўнай моладзі.

У Тарасаве адбыліся 20-я Астрожскія чытанні

Асаблівасцю сёлетняга конкурсу, у якім прынялі ўдзел прадстаўнікі органаў і аддзелаў пагранічнай службы, Ваеннай акадэміі Рэспублікі Беларусь і Інстытута пагранічнай службы Рэспублікі Беларусь, стала ўвага да асэнсавання хрысціянскіх традыцый у сям'і і грамадстве.

У Мінскай духоўнай акадэміі адбыліся II Чытанні памяці протаіерэя Іаана Грыгаровіча

10 мая ў Мінскай духоўнай акадэміі прайшла Навукова-практычная канферэнцыя «II Чытанні памяці протаіерэя Іаана Грыгаровіча (1792-1852): гісторыка, археографа, археолага». У працы форуму прынялі ўдзел 39 дакладчыкаў, якія прадстаўлялі духоўныя школы Беларускага Экзархату і шэрагу свецкіх ВНУ.

Патрыяршы Экзарх узначаліў пасяджэнне Савета Інстытута тэалогіі БДУ

10 мая пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, рэктара Інстытута тэалогіі Беларускага дзяржаўнага ўніверсітэта, адбылося пасяджэнне Савета Інстытута тэалогіі.

Мітрапаліт Павел узначаліў пасяджэнне Вучонага савета Мінскай духоўнай акадэміі

10 мая пад старшынствам мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбылося чарговае пасяджэнне Вучонага савета Мінскай духоўнай акадэміі.

У выдавецтве Мінскай духоўнай акадэміі выйшаў зборнік матэрыялаў навуковай канферэнцыі

Выдавецтвам Мінскай духоўнай акадэміі выпушчаны зборнік матэрыялаў навукова-практычнай канферэнцыі «I Чытанні памяці протаіерэя Іаана Грыгаровіча (1792-1852): гісторыка, археографа, археолага». Выданне адрасавана выкладчыкам, аспірантам, студэнтам, а таксама ўсім, хто цікавіцца пытаннямі канфесійнай гісторыі, багаслоўя, літургікі і кананічнага права.

Тэатр-студыя «Пад купаламі» пакажа спектакль «Міраносіцы»

Тэатр-студыя пры Мінскай духоўнай акадэміі «Пад купаламі» 13 мая ў 13:00 прадставіць гледачам сцэнічную версію евангельскага сюжэта пра паслядоўніц Іісуса Хрыста — жанчын-міраносіц.

Патрыяршы Экзарх узначаліў чарговае пасяджэнне Аргкамітэта па святкаванню 220-годдзя з дня нараджэння і 150-годдзя з дня блажэннага скону мітрапаліта Іосіфа (Сямашкі)

У пасяджэнні прынялі ўдзел: Кіраўнік спраў Мінскай Экзархіі архімандрыт Сергій (Брыч), сакратар Мінскай епархіі протаіерэй Андрэй Волкаў, прадстаўнікі духоўных школ Беларускай Праваслаўнай Царквы, кіраўнікі і супрацоўнікі Сінадальных аддзелаў і камісій Беларускага Экзархату, навукоўцы і дзеячы культуры.

У Мінскай духоўнай семінарыі адбудуцца III Чытанні памяці свяшчэннамучаніка Пятра (Палянскага)

8 чэрвеня ў Мінскай духоўнай семінарыі па благаславенню рэктара архіепіскапа Навагрудскага і Слонімскага Гурыя адбудуцца III Чытанні памяці свяшчэннамучаніка Пятра (Палянскага, 1862-1937), мітрапаліта Круціцкага. Уваход вольны.

Віцебская духоўная семінарыя запрашае на дзень адчыненых дзвярэй

24 мая, у дзень памяці святых роўнаапостальных Кірыла і Мяфодзія, вучыцеляў Славянскіх, Віцебская духоўная семінарыя ўрачыста адзначыць свой актавы дзень і адчыніць свае дзверы для абітурыентаў.