Калектыву Сінадальнага аддзела па царкоўнай дабрачыннасці і сацыяльным служэнні Беларускага Экзархата прысуджана прэмія Прэзідэнта Рэспублікі Беларусь «За духоўнае адраджэнне»
21 снежня 2025
Па выніках 2025 года прэмія Прэзідэнта Рэспублікі Беларусь «За духоўнае адраджэнне» прысуджана калектыву Сінадальнага аддзела па царкоўнай дабрачыннасці і сацыяльнаму служэнню Беларускай Праваслаўнай Царквы (Беларускага Экзархату Маскоўскага Патрыярхату). Адпаведны ўказ кіраўнік дзяржавы Аляксандр Лукашэнка падпісаў 19 снежня 2025 года.
Высокае грамадскае прызнанне калектыў Сінадальнага аддзела па царкоўнай дабрачыннасці і сацыяльнаму служэнню атрымаў за развіццё новых напрамкаў сацыяльнага служэння Царкве і вялікі ўклад у справу пастырскай апекі.
***
Прэмія Прэзідэнта Рэспублікі Беларусь «За духоўнае адраджэнне» заснавана ў 1997 годзе па ініцыятыве Беларускай Праваслаўнай Царквы. Штогод яна прысуджаецца за выдатныя творы літаратуры і мастацтва і (або) актыўную дзейнасць у гуманітарнай галіне, якая садзейнічае зберажэнню і прымнажэнню нацыянальнага культурнага здабытку, выхаванню ў моладзі любові да Айчыны, умацаванню духоўных каштоўнасцей і мастацка-маральных традыцый, ідэй чалавекалюбства, дабрачыннасці і міласэрнасці.
На суісканне прэміі могуць вылучацца дзеячы культуры, літаратуры, мастацтва, архітэктуры, аховы здароўя, адукацыі, навукі, сацыяльнай абароны, сродкаў масавай інфармацыі, прыёмныя бацькі, апекуны, святары, іншыя асобы, а таксама аўтарскія, творчыя і іншыя калектывы работнікаў.
Чытайце нас у мэсэнджэрах Telegram і Viber,
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
