Выдадзена кніга архіепіскапа Гродзенскага і Ваўкавыскага Антонія «Ад смутку да радасці»
17 снежня 2025
У выдавецтве «Астер Плюс» (Расія, горад Перм) выйшла кніга архіепіскапа Гродзенскага і Ваўкавыскага Антонія (Дароніна) «Ад смутку да радасці». Выданне аб'ёмам 432 старонкі рэкамендавана да публікацыі Выдавецкай радай Беларускай Праваслаўнай Царквы і прымеркавана да 125-годдзя Гродзенскай епархіі.
У кнігу ўвайшлі пропаведзі, прамоўленыя архіепіскапам Антоніем у 2021-2024 гадах, пачынаючы з першага дня яго архіпастырскага служэння ў Гродзенскай і Ваўкавыскай епархіі. Матэрыялы ахопліваюць шырокае кола тэм — ад царкоўных святаў і евангельскіх падзей да пытанняў, звязаных з жыццём сучаснага чалавека, сямейнымі адносінамі і выхаваннем дзяцей.
У сваіх прапаведзях уладыка Антоній даступнай і зразумелай мовай раскрывае складаныя багаслоўскія тэмы і жыццёвыя сітуацыі, абапіраючыся на Свяшчэннае Пісанне, святаайцоўскую спадчыну і ўласны пастырскі вопыт. Асобны раздзел выдання прысвечаны праваслаўнай традыцыі памінання памерлых. У кожнай пропаведзі прыводзяцца павучальныя прыклады з жыццяў святых, царкоўнай літаратуры і пастырскай практыкі.
Кніга «Ад смутку да радасці» адрасавана шырокаму колу чытачоў і можа быць карысная як святарам, так і міранам, якія цікавяцца духоўным жыццём і царкоўным вучэннем.
Чытайце нас у мэсэнджэрах Telegram і Viber,
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
