Мітрапаліт Павел здзейсніў Літургію ў храме праведнага Іава Шматпакутнага пры сацыяльна-рэабілітацыйным комплексе «Дом Міласэрнасці» Усіхсвяцкага прыхода горада Мінска

19 мая, у пятніцу 5-й сядміцы пасля Вялікадня, дзень памяці святога праведнага Іава Шматпакутнага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар праведнага Іава Шматпакутнага пры сацыяльна-рэабілітацыйным комплексе «Дом Міласэрнасці» Усіхсвяцкага прыхода горада Мінска.

Архіепіскап Віцебскі і Аршанскі Дзімітрый узначаліў прастольнае святкаванне храма велікамучаніцы Ірыны ў Маскве

18 мая, у дзень памяці святой велікамучаніцы Ірыны, у храме Прадстаўніцтва Беларускага Экзархату і Патрыяршага падвор'я ў Пакроўскім (горад Масква) прайшлі прастольныя ўрачыстасці. Бажэственную літургію ўзначаліў настаяцель храма архіепіскап Віцебскі і Аршанскі Дзімітрый.

У Бабруйску пачаў работу VI Міжнародны фестываль падтрымкі сям'і, мацярынства і дзяцінства «Шчасце ў дзецях»

У мерапрыемствах фестывалю прымаюць удзел прадстаўнікі Беларускай Праваслаўнай Царквы, дзяржаўных і гарадскіх органаў улады, грамадскіх арганізацый, устаноў аховы здароўя, адукацыі і сацыяльнай абароны, навучэнцы і студэнты, а таксама госці з Расіі і Літвы.

Саборнае маленне аб Украінскай Праваслаўнай Царкве здзейснілі святары і прыхаджане храмаў Навагрудка

Благачынны Навагрудскай акругі протаіерэй Анатоль Герасімук заклікаў прыхаджан не спыняць малітвы аб тым, каб на Украіне быў згашаны грамадзянскі канфлікт і запанавалі мір і паразуменне.

Малітвы аб дараванні міру брацкаму ўкраінскаму народу былі ўзненесены ў храмах Слуцкай епархіі

18 мая ў храмах Слуцка-Салігорскай епархіі былі ўзнесены малітвы аб стойкасці Украінскай Праваслаўнай Царквы і аб дараванні міру брацкаму ўкраінскаму народу. У Спаса-Узнясенскім храме горада Нясвіжа малебны спеў пра дараванне міру Украіне ўзначаліў епіскап Слуцкі і Салігорскі Антоній.

У Жыровіцкай абіцелі быў здзейснены малебен аб дараванні міру Украіне

Архіепіскап Навагрудскі і Слонімскі Гурый здзейсніў малебен аб дараванні міру Украіне. Па заканчэнні набажэнства архіпастыр заклікаў манаскіх асоб, студэнтаў Мінскай духоўнай семінарыі, прыхаджан і паломнікаў працягваць узносіць асаблівыя малітвы аб недапушчэнні антыцаркоўных і антынародных праектаў кіраўніцтва Украіны.

Патрыяршы Экзарх і святары Беларускай Праваслаўнай Царквы здзейснілі Бажэственную літургію і малебны спеў аб пакутным народзе Украінскай Праваслаўнай Царквы

18 мая, у чацвер 5-й сядміцы пасля Вялікадня, дзень святкавання іконы Божай Маці «Няўпіўная Чаша», мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў прыходзе храма ў гонар іконы Божай Маці «Няўпіўная Чаша» горада Мінска.

У Брэсцкай епархіі адбыўся семінар для царкоўных работнікаў

16 мая ў прыходзе сабора Уваскрэсення Хрыстова ў горадзе Брэсце пад старшынствам архіепіскапа Брэсцкага і Кобрынскага Іаана адбыўся семінар для царкоўных работнікаў, у якім прынялі ўдзел прадстаўнікі кожнага прыхода Брэсцкай епархіі — усяго 256 чалавек.

20 мая у Жыровічах пройдзе «Жыровіцкі фэст»

20 мая праваслаўная Беларусь адзначыць дзень яўлення Жыровіцкай іконы Божай Маці. У гэты дзень у чацвёрты раз адкрые дзверы для сяброў фестываль «Жыровіцкі фэст». Мэта мерапрыемства — аб'яднаць людзей вакол урачыстасці, якая штогод праходзіць у адным з найпрыгажэйшых месцаў Беларусі.

Жыхары аграгарадка Хорастава ўвекавечваюць памяць землякоў, спаленых у храме нацыстамі

14 мая былі асвечаныя новыя крыжы для купалоў Пакроўскага храма ў аграгарадку Хорастава Салігорскага раёна. Узвесці на храме новыя крыжы і купалы вырашылі самі прыхаджане ў памяць аб сваіх земляках, зажыва спаленых у царкве нацысцкімі акупантамі на Стрэчанне Гасподняе ў 1943 годзе.

24 хоры прынялі ўдзел у фестывалі «Пойте Богу нашему, пойте»

У Доме культуры горада Драгічына прайшоў XVI Епархіяльны фестываль праваслаўных духоўных песнапенняў «Спявайце Богу нашаму, спявайце». Гэты пеўчы форум традыцыйна праводзіцца ў велікодны перыяд па благаславенню архіепіскапа Брэсцкага і Кобрынскага Іаана.

Мітрапаліт Павел здзейсніў закладку памятнай капсулы ў падмурак будучага храма ў гонар Уздзвіжання Крыжа Гасподняга ў горадзе Мінску

16 мая, у аўторак 5-га тыдня пасля Вялікадня, дзень памяці прападобнага Феадосія, ігумена Кіева-Пячэрскага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў чын на заснаванне царквы і ўстанаўленне крыжа ў будучым храме ў гонар Уздзвіжання Крыжа Гасподняга ў горадзе Мінску, падчас якога здзейсніў закладку каменя і памятнай капсулы ў падмурак храма.

25 мая ў Петра-Паўлаўскім саборы Мінска будзе здзейснена паніхіда па Максіму Багдановічу

25 мая споўніцца 100 гадоў з дня смерці вялікага беларускага паэта Максіма Багдановіча. У гэты дзень па ім будзе здзейснена паніхіда ў саборы апосталаў Пятра і Паўла горада Мінска. Пачатак памінальнага набажэнства ў 14:30.

Пралайф-марафон «15 дзён у абарону жыцця» праходзіць у Гродне

Арганізатары запрашаюць усіх неабыякавых на сумесную малітву аб абароне жыцця ненароджаных немаўлят і акцыю «Свечка памяці». Акцыя будзе праходзіць на пляцоўцы ля Пакроўскага кафедральнага сабора з 14 мая па 1 чэрвеня, па суботах і нядзелях.

Мінскае духоўнае вучылішча абвяшчае прыём навучэнцаў

Мінскае духоўнае вучылішча абвяшчае прыём навучэнцаў на дзённую, завочную і вячэрнюю формы навучання. У вучылішчы дзейнічаюць аддзяленні: званароў, катэхізатараў, рэгенцка-пеўчае. Прымаюцца асобы праваслаўнага веравызнання.