Пошук

Архіепіскап Гомельскі і Жлобінскі Сцяфан здзейсніў асвячэнне храма ў гонар свяціцеля Васілія Вялікага ў горадзе Жлобіне

25 снежня 2025

25 снежня 2025 года, у дзень памяці свяціцеля Спірыдона, епіскапа Трыміфунцкага, архіепіскап Гомельскі і Жлобінскі Сцяфан у саслужэнні епіскапа Барысаўскага і Мар'інагорскага Амвросія здзейсніў асвячэнне храма ў гонар свяціцеля Васілія Вялікага ў горадзе Жлобіне, а затым узначаліў у новаасвячоным храме Бажэственную літургію.

Яго Высокапраасвяшчэнству саслужылі: рэктар Мінскай духоўнай акадэміі архімандрыт Афанасій Сакалоў, сакратар Гомельскай епархіі протаіерэй Георгій Алампіеў, благачынны Жлобінскай акругі протаіерэй Аляксей Сматрыцкі, настаяцель прыхода іерэй Вячаслаў Рабіца і духавенства епархіі.

На Бажэственнай літургіі маліліся ігуменні манастыроў Гомельскай епархіі: ігумення Іаана (Ярэц) з сёстрамі Успенскага жаночага манастыра вёскі Казімірава і ігумення Архелая (Новікава) з сёстрамі Іаана-Кармянскага жаночага манастыра вёскі Карма.

На малым уваходзе, зважаючы на руплівую працу на карысць Царквы Хрыстовай, свяшчэннаслужыцелі былі адзначаны богаслужбова-іерархічнымі ўзнагародамі: настаяцель прыхода храма свяціцеля Васілія Вялікага горада Жлобіна іерэй Вячаслаў Рабіца ўдастоены права нашэння нагруднага крыжа з упрыгожваннямі, клірык прыхода іерэй Андрэй Ісаеў удастоены права нашэння камілаўкі.

За Літургіяй былі ўзнесены асаблівыя малітоўныя прашэнні аб аднаўленні міру.

За богаслужэннем па благаславенню Высокапраасвяшчэннейшага архіепіскапа Сцяфана епіскап Барысаўскі і Мар'інагорскі Амвросій здзейсніў дыяканскую хіратонію іпадыякана Дыянісія Няздзвецкага.

Па заканчэнні богаслужэння быў здзейснены хрэсны ход.

Архіепіскап Сцяфан звярнуўся да духавенства і прыхаджан храма з архіпастырскім словам.

Яго Высокапраасвяшчэнства падзякаваў настаяцелю, ахвярадаўцам і ўсім працаўнікам за ўдзел у будаўніцтве храма. Дабрачынцам і актыўным прыхаджанам былі ўручаны епархіяльныя медалі і архіерэйскія граматы.

Гомельская епархія/Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і "Одноклассники",

глядзіце ў YouTube і TikTok