Аб узмацненні посту і малітвы аб беларускім народзе

Заклік епіскапа Веніяміна падоўжыць на тры дні пост звернуты перш за ўсё да тых, хто па тых ці іншых прычынах не выконваў Успенскі пост. Такім прапануецца прыступіць да яго не адкладаючы. Тыя хрысціяне, што старанна трываюць пост, заклікаюцца да ўзмацнення сваёй духоўнай дзейнасці ў астатні час ўстрымання.

Епіскап Барысаўскі і Мар'інагорскі Веніямін здзейсніў сваё першае богаслужэнне пасля абрання Патрыяршым Экзархам усяе Беларусі

26 жніўня, у сераду сядміцы 12-й пасля Пяцідзесятніцы, адданне свята Праабражэння Гасподняга, Мінскай іконы Божай Маці, абраны мітрапалітам Мінскім і Заслаўскім, Патрыяршым Экзархам усяе Беларусі, епіскап Барысаўскі і Мар'інагорскі Веніямін здзейсніў Бажэственную літургію ў храме Мінскай іконы Божай Маці горада Смалявічы.

Патрыяршым Экзархам усяе Беларусі прызначаны епіскап Барысаўскі і Мар'інагорскі Веніямін

Свяшчэнны Сінод прыняў да ўвагі прашэнне Патрыяршага Экзарха ўсяе Беларусі мітрапаліта Мінскага і Заслаўскага Паўла аб вызваленні ад пасады Патрыяршага Экзарха ўсяе Беларусі, выказаўшы яму падзяку за панесеную працу.

Свяшчэнны Сінод выказаў занепакоенасць грамадскім канфліктам у Рэспубліцы Беларусь

Члены Свяшчэннага Сінода лічаць важным дбайнае расследаванне ўладамі Рэспублікі Беларусь усіх выпадкаў прымянення гвалту як да грамадзян, так і да супрацоўнікаў сіл правапарадку, і пакаранне вінаватых у парушэнні закона.

Асвячаны аддзяленні Рэспубліканскага клінічнага шпіталя інвалідаў Вялікай Айчыннай вайны

У шпіталі праведзена санітарная апрацоўка памяшканняў ад наступстваў каронавіруснай інфекцыі. З наступнага тыдня шпіталь будзе гатовы прыняць пацыентаў з профільнымі захворваннямі.

Аб удзеле вернікаў у грамадска-палітычным жыцці. Тлумачэнне Сінадальнага аддзела Беларускай Праваслаўнай Царквы па ўзаемаадносінах Царквы і грамадства

«Праваслаўная Царква мяркуе неналежным сваёй місіі заклік да ўдзелу ці няўдзелу ў палітычных акцыях, але рашуча асуджае ўсе віды гвалту, распальвання нянавісці і нецярпімасці ў чый бы там ні было адрас, ці гэта ўрачы, міліцыя, педагогі, прадстаўнікі ўлады ці якія-небудзь іншыя сацыяльныя групы. Царква катэгарычна асуджае любыя формы гвалту і выказвае надзею на правядзенне расследавання кампетэнтнымі органамі ўсіх абуральных выпадкаў праявы жорсткасці», — адзначаецца ў тлумачэнні.

Прадстаўнік Беларускай Праваслаўнай Царквы наведаў ізалятар на Акрэсціна

19 жніўня старшыня Сінадальнага аддзела па турэмнаму служэнню Беларускай Праваслаўнай Царквы святар Георгій Лапухоў наведаў ізалятар па вуліцы Акрэсціна, дзе павіншаваў са святам Праабражэння Гасподняга ўсіх затрыманых і ўручыў ім асвячоную садавіну.

У свята Праабражэння Гасподняга мітрапаліт Павел здзейсніў Літургію ў Свята-Духавым кафедральным саборы горада Мінска

19 жніўня, у свята Праабражэння Госпада Бога і Спасіцеля нашага Іісуса Хрыста, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Напярэдадні свята Праабражэння Гасподняга Патрыяршы Экзарх здзейсніў усяночнае трыванне ў Свята-Духавым кафедральным саборы горада Мінска

18 жніўня, напярэдадні свята Праабражэння Гасподняга, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.

Мітрапаліт Павел здзейсніў малебен «За беларускі народ» у Свята-Духавым кафедральным саборы горада Мінска

17 жніўня, у панядзелак 11-га тыдня пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў малебен «За беларускі народ» у Свята-Духавым кафедральным саборы горада Мінска.

Патрыяршы Экзарх наведаў людзей, пацярпелых падчас пратэстных акцый

17 жніўня адбыўся пастырскі візіт мітрапаліта Мінскага і Заслаўскага Паўла, Патрыяршага Экзарха ўсяе Беларусі, у бальніцу хуткай медыцынскай дапамогі горада Мінска. У цяперашні час частка пацыентаў бальніцы — людзі, якія атрымалі траўмы падчас акцый пратэсту, што прайшлі ў пачатку мінулага тыдня.

У Мінскай духоўнай семінарыі адбыліся змены ў складзе адміністрацыі і выкладчыцкай карпарацыі

12 жніўня 2020 года мітрапаліт Мінскі і Заслаўскі Павел, Патрыяршы Экзарх усяе Беларусі, зацвердзіў змяненне складу адміністрацыі і выкладчыцкай карпарацыі Мінскай духоўнай семінарыі. Новыя прызначэнні абумоўлены патрэбай працягу рэфармавання падыходаў да адукацыйнай дзейнасці і выхаваўчай працы.

У Нядзелю 10-ю пасля Пяцідзесятніцы мітрапаліт Павел здзейсніў Літургію ў Свята-Духавым кафедральным саборы горада Мінска

16 жніўня, у Нядзелю 10-ю пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Зварот Сінода Беларускай Праваслаўнай Царквы да народа Рэспублікі Беларусь аб спыненні народнага супрацьстаяння

«Беларусь — міралюбівая краіна. Усе мы, хто жыве на гэтай блаславёнай зямлі, павінны праявіць разважлівасць, адзінства, высакароднасць, міласэрнасць, разумнасць, сапраўдную хрысціянскую любоў адзін да аднаго і адказнасць за свае ўчынкі», — гаворыцца ў звароце.

Патрыяршы Экзарх здзейсніў у Свята-Духавым кафедральным саборы горада Мінска малебен аб дараванні міру беларускаму народу

15 жніўня, у суботу 10-га тыдня пасля Пяцідзесятніцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў малебен аб дараванні міру, стабільнасці і дабрабыту беларускаму народу ў Свята-Духавым кафедральным саборы горада Мінска.