Пошук

Выхаванцы нядзельных школ Лепельскага благачыння прынялі ўдзел у інтэрактыўным праекце «GPS-навігатар»

04 кастрычніка 2017

Нядзельныя школы Лепельскага благачыння прынялі ўдзел у інтэрактыўным праекце «GPS-навігатар», згодна з правіламі якога маршрут і спосабы перамяшчэння першапачаткова хлопцам не былі вядомыя. Аб транспарце і наступным пункце прызначэння удзельнікі гульні даведваліся толькі па прыбыцці ў чарговы пункт. Усе заданні і інфармацыя аб пунктах маршруту публікаваліся па меры руху каманды дзяцей на сцяне суполкі Інтэрактыў «GPS-навігатар» у сацыяльнай сетцы ВКонтакте.

Інтэрактыўнае падарожжа доўжылася два дні — з 30 верасня па 1 кастрычніка 2017 года. Рабяты наведалі тры гарады: Оршу, Віцебск і Полацк. Ва ўсіх пунктах прызначэння ўдзельнікі праекта наведвалі праваслаўныя святыні і помнікі культуры. Так, у Оршы рабяты пабывалі ў будуемым храме Ражджвства Хрыстовага, храме Нараджэння Прасвятой Багародзіцы, Богаяўленскім Куцеінскім мужчынскім манастыры, дзе для гасцей была праведзена экскурсія. Таксама рабяты наведалі музеі Оршы і гарадскі дзіцячы парк «Казачная краіна».

Затым выхаванцы нядзельных школ адправіліся ў Віцебск. Дзяцей сустрэў экскурсавод — дыякан Уладзімір Грушын. Першай прыпынкам у Віцебску стаў Свята-Троіцкі Маркаў мужчынскі манастыр. Тут рабят чакала сустрэча з лепельчанінам інакам Аляксандрам (Крыцкім) і трапеза. Пасля экскурсіі па Віцебску ўдзельнікі праекта паспяшаліся на дызель да Полацка.

У Полацку рабяты памаліліся за вячэрнім богаслужэннем у Спаса-Еўфрасіннеўскім стаўрапігіяльным жаночым манастыры, пасля чаго размясціліся на начлег у хатках паломнікаў.

1 кастрычніка, пасля Бажэственнай літургіі, трапезы і экскурсіі па манастыру, рабяты адправіліся аглядаць наваколлі старажытнага Полацка: помнік Усяславу Чарадзею, Чырвоны мост, помнік святой Еўфрасінні Полацкай, Сафійскі сабор, Барысаў камень, памятны знак «Полацк — калыска беларускай дзяржаўнасці», помнік сярэдневяковаму студэнту, помнік «Вызваліцелям Полацка» і многія іншыя славутасці. Таксама дзеці адшукалі геаграфічны цэнтр Еўропы і пасядзелі на «Лаве дружбы». Канчатковым пунктам стаў Пакроўскі храм, дзе ўдзельнікі квэста атрымалі памятныя падарункі.

Віцебская епархія / Church.by