Пошук

У Гомелі адбыўся VI Раённы бацькоўскі Калядны форум

22 студзеня 2017

20 студзеня 2017 года завяршыў працу VI Раённы бацькоўскі Калядны форум, які пачаў эстафету святочных і конкурсных мерапрыемстваў сярод устаноў адукацыі Чыгуначнага раёна абласнога цэнтра яшчэ ў канцы снежня мінулага года.

Цырымонію закрыцця, якая адбылася ў актавай зале сярэдняй агульнаадукацыйнай школы № 30, наведалі епіскап Гомельскі і Жлобінскі Сцяфан, намеснік кіраўніка адміністрацыі Чыгуначнага раёна Надзея Рыгораўна Куніцкая, начальнік аддзела адукацыі, спорту і турызму адміністрацыі Чыгуначнага раёна Ірына Раманаўна Казімірава, настаўнікі, кіраўнікі гурткоў, бацькі і дзеці.

Праасвяшчэнны ўладыка павіншаваў усіх з надыйшощшым Святам Божага Нараджэння і ўручыў дыпломы ўдзельнікам форуму. Больш за 90 удзельнікаў былі ўдастоены ўзнагарод у розных намінацыях. Пасля ўзнагароджання адбыўся гала-канцэрт.

Раённы бацькоўскі Калядны форум пачаў сваю гісторыю ў 2011 годзе дзякуючы цеснаму супрацоўніцтву Гомельскай епархіі і аддзела адукацыі адміністрацыі Чыгуначнага раёна горада Гомеля. Ініцыятары форуму імкнуцца, каб свята Ражджаства Хрыстова прыйшло ў кожную ўстанову адукацыі, кожную сям'ю. У праграме форуму — дабрачынныя ёлкі ў Нікольскім мужчынскім манастыры і Спаса-Праабражэнскім храме для малазабяспечаных сем'яў і сем'яў, якія маюць патрэбу ў асаблівым клопаце і ўвазе, школьны Калядны баль, «Песні дзяцінства вуснамі бацькоў. Калядныя песні вуснамі дзяцей», свята для сем'яў, якія выхоўваюць дзяцей-інвалідаў, конкурсы дэкаратыўна-прыкладной і выяўленчай творчасці і іншае.

Гомельская епархія / Church.by