Брацтва Віленскіх мучанікаў выдала зборнік прадмоў і пасляслоўяў Францыска Скарыны да кніг Бібліі

Выйшаў зборнік прадмоў і пасляслоўяў Францыска (Георгія) Скарыны (~1490 — ~1551) да кніг Бібліі. Тэксты першадрукара перакладзены на сучасную беларускую мову. Мэта выдання — з дапамогай тэкстаў заснавальніка ўсходнеславянскага кнігадрукавання, біблеіста, вучонага і асветніка даць чытачу магчымасць глыбей пазнаёміцца з асобай, светапоглядам, духоўным абліччам Скарыны, зразумець галоўны змест яго асветніцкай дзейнасці.