Спартыўнае свята «Гуляем разам» для дзяцей з абмежаванымі магчымасцямі прайшоў у Салігорску

Удзельнікамі свята сталі выхаванцы ЦКРНіР і члены праваслаўнага сямейнага клуба «Жывая Крыніца». Дзеці з сямейнага клуба выступілі ў якасці валанцёраў, дапамагаючы выхаванцам цэнтра карэкцыйна-развіваючага навучання праходзіць эстафеты спартыўна-гульнявой праграмы свята.

Праваслаўныя добраахвотнікі перадалі Бабруйскаму хоспісу канцэнтратар кіслароду

Сінадальны аддзел Беларускага Экзархату па сацыяльнаму служэнню дзякуе ўсім, хто прымаў удзел у акцыі «Мілае сэрца. Твая дарога добрых спраў! Бургер Кінг разам з "Дарогай Міласэрнасці — дапамогу хоспіса Беларусі"» і дзякуючы каму стала магчымым набыць ужо чацвёрты канцэнтратар кіслароду для маючых патрэбу пацыентаў.

У Бабруйску пачаў работу VI Міжнародны фестываль падтрымкі сям'і, мацярынства і дзяцінства «Шчасце ў дзецях»

У мерапрыемствах фестывалю прымаюць удзел прадстаўнікі Беларускай Праваслаўнай Царквы, дзяржаўных і гарадскіх органаў улады, грамадскіх арганізацый, устаноў аховы здароўя, адукацыі і сацыяльнай абароны, навучэнцы і студэнты, а таксама госці з Расіі і Літвы.

Вярхоўная Рада Украіны не разглядала антыправаслаўныя законапраекты

На 18 мая ў Вярхоўнай Радзе Украіны быў прызначаны разгляд двух законапраектаў, якія маглі абвясціць існаванне Украінскай Праваслаўнай Царквы па-за законам, а таксама стварыць юрыдычныя ўмовы, якія садзейнічаюць раскольнікам для захопу храмаў Маскоўскага Патрыярхату. Да канца дня парламентарыі паведамілі вернікам, якія сабраліся ля Рады, што разгляд законапраектаў не адбыўся.

Саборнае маленне аб Украінскай Праваслаўнай Царкве здзейснілі святары і прыхаджане храмаў Навагрудка

Благачынны Навагрудскай акругі протаіерэй Анатоль Герасімук заклікаў прыхаджан не спыняць малітвы аб тым, каб на Украіне быў згашаны грамадзянскі канфлікт і запанавалі мір і паразуменне.

Малітвы аб дараванні міру брацкаму ўкраінскаму народу былі ўзненесены ў храмах Слуцкай епархіі

18 мая ў храмах Слуцка-Салігорскай епархіі былі ўзнесены малітвы аб стойкасці Украінскай Праваслаўнай Царквы і аб дараванні міру брацкаму ўкраінскаму народу. У Спаса-Узнясенскім храме горада Нясвіжа малебны спеў пра дараванне міру Украіне ўзначаліў епіскап Слуцкі і Салігорскі Антоній.

Мітрапаліт Павел звярнуўся да епіскапата, клірыкаў і міран Беларускай Праваслаўнай Царквы з просьбай узнесці малітвы аб Украінскай Праваслаўнай Царкве

У сувязі з тым, што на 18 мая ў Вярхоўнай Радзе Украіны прызначаны разгляд двух антыправаслаўных законапраектаў, мітрапаліт Мінскі і Заслаўскі Павел, Патрыяршы Экзарх усяе Беларусі, заклікаў ва ўсіх храмах Беларускай Праваслаўнай Царквы ўзнесці ўзмоцненыя малітвы аб Украінскай Праваслаўнай Царкве.

У Брэсцкай епархіі адбыўся семінар для царкоўных работнікаў

16 мая ў прыходзе сабора Уваскрэсення Хрыстова ў горадзе Брэсце пад старшынствам архіепіскапа Брэсцкага і Кобрынскага Іаана адбыўся семінар для царкоўных работнікаў, у якім прынялі ўдзел прадстаўнікі кожнага прыхода Брэсцкай епархіі — усяго 256 чалавек.

20 мая у Жыровічах пройдзе «Жыровіцкі фэст»

20 мая праваслаўная Беларусь адзначыць дзень яўлення Жыровіцкай іконы Божай Маці. У гэты дзень у чацвёрты раз адкрые дзверы для сяброў фестываль «Жыровіцкі фэст». Мэта мерапрыемства — аб'яднаць людзей вакол урачыстасці, якая штогод праходзіць у адным з найпрыгажэйшых месцаў Беларусі.

Жыхары аграгарадка Хорастава ўвекавечваюць памяць землякоў, спаленых у храме нацыстамі

14 мая былі асвечаныя новыя крыжы для купалоў Пакроўскага храма ў аграгарадку Хорастава Салігорскага раёна. Узвесці на храме новыя крыжы і купалы вырашылі самі прыхаджане ў памяць аб сваіх земляках, зажыва спаленых у царкве нацысцкімі акупантамі на Стрэчанне Гасподняе ў 1943 годзе.

25 мая ў Петра-Паўлаўскім саборы Мінска будзе здзейснена паніхіда па Максіму Багдановічу

25 мая споўніцца 100 гадоў з дня смерці вялікага беларускага паэта Максіма Багдановіча. У гэты дзень па ім будзе здзейснена паніхіда ў саборы апосталаў Пятра і Паўла горада Мінска. Пачатак памінальнага набажэнства ў 14:30.

Пралайф-марафон «15 дзён у абарону жыцця» праходзіць у Гродне

Арганізатары запрашаюць усіх неабыякавых на сумесную малітву аб абароне жыцця ненароджаных немаўлят і акцыю «Свечка памяці». Акцыя будзе праходзіць на пляцоўцы ля Пакроўскага кафедральнага сабора з 14 мая па 1 чэрвеня, па суботах і нядзелях.

Прадстаўнікі Беларускай Праваслаўнай Царквы прынялі ўдзел у трэцяй інтэрнэт-канферэнцыі праваслаўных моладзевых арганізацый Еўропы

Канферэнцыя была прысвечана пытанням арганізацыі пры ўдзеле Рускай Праваслаўнай Царквы летняга адпачынку дзяцей і падлеткаў. Кіраўнікі епархіяльных моладзевых аддзелаў падзяліліся вопытам і абмеркавалі праблемы арганізацыі дзіцячага і моладзевага адпачынку розных фарматаў.

Веласіпедны эка-марафон адбыўся ў Гомельскай епархіі

Па веласіпедных маршрутах калона, якая складаецца з 10 чалавек, рушыла ў прыгарад Гомеля. Там усе прысутныя за сяброўскай гутаркай змаглі ўнесці свой уклад у выратаванне роднай зямлі, прыбраўшы смецце, пакінутае нядобрасумленнымі турыстамі.

Дабрачынны турнір па міні-футболе на кубак Георгія Перамаганосца прайшоў у Нясвіжы

Спартыўнае спаборніцтва праводзілася дзеля таго, каб дапамагчы маленькай нясвіжанцы пачуць гэты свет. У 2,5 года Марыі Бянько паставілі дыягназ «двухбаковая хранічная нейрасэнсорная глухаватасць 4-й ступені». За два тыдні неабходна было тэрмінова купіць спецыяльны дзіцячы слыхавы апарат, каб паспець да таго моманту, калі дзіця канчаткова страціць магчымасць чуць.