Валанцёры БРСМ дапамаглі добраўпарадкаваць парафіяльную тэрыторыю Аляксандра-Неўскага храма Гомеля

Юнакі і дзяўчаты прынялі ўдзел у навядзенні парадку на тэрыторыі прыхода храма дабравернага князя Аляксандра Неўскага ў горадзе Гомелі. Рабяты займаліся ўборкай прыхрамавай тэрыторыі, праполкай кветнікаў, а таксама прынялі ўдзел у рамонтных і будаўнічых працах.

У японскім горадзе Фукуока праходзіць выстаўка, прысвечаная ўсходняму хрысціянству

У музеі пры хрысціянскім універсітэце «Сейнан-гакуін Дайгаку» ў горадзе Фукуока (Японія) праходзіць выстаўка «Сустрэча з усходнім хрысціянствам — форма малітвы і пропаведзі». Асаблівае месца сярод экспанатаў займаюць матэрыялы пра жыццё свяціцеля Мікалая Японскага.

Архіепіскап Навагрудскі Гурый: Прападобнамучанік Серафім Жыровіцкі бязбоязна прапаведаваў Хрыста

Саборным богаслужэннем ушанавалі памяць прападобнамучаніка Серафіма (Шахмуця) у яго роднай абіцелі. Узначаліў урачыстасці архіепіскап Навагрудскі і Слонімскі Гурый.

У Брэсцкай епархіі пройдзе моладзевы Афанасьеўскі велапрабег

Па благаславенні архіепіскапа Брэсцкага і Кобрынскага Іаана 15-16 верасня адбудзецца VII епархіяльны моладзевы Афанасьеўскі велапрабег «Манастыры і храмы Брэстчыны». Паломнікі-веласіпедысты пераадолеюць каля 145 км.

Падпісана праграма супрацоўніцтва паміж БНТУ і Сінадальным аддзелам рэлігійнай адукацыі і катэхізацыі БПЦ

1 верасня адбылося падпісанне праграмы супрацоўніцтва на 2018-2020 гады паміж Беларускім нацыянальным тэхнічным універсітэтам і Сінадальным аддзелам рэлігійнай адукацыі і катэхізацыі Беларускай Праваслаўнай Царквы.

Міжнародны фестываль «Радасць» запрашае гасцей

З 8 па 18 верасня Міжнародны фестываль «Радасць» запрашае ўсіх у Мінскі палац мастацтва па вуліцы Казлова, 3. Выстава-кірмаш на фестывалі «Радасць» - гэта не толькі захапляльнае і займальнае свята для ўсёй сям'і, але і магчымасць парадаваць адзін аднаго душэўнымі вырабамі ручной працы, сабранымі на адной пляцоўцы майстрамі з розных куткоў свету: Беларусі, Украіны, Расіі, Малдовы, Сербіі, Грэцыі. Кераміка, тэкстыль, літаратура, сувеніры, іконы і царкоўнае начынне ― далёка не ўвесь пералік асартыменту.

Напярэдадні навучальнага года ў Мінскай духоўнай семінарыі адбылося пасяджэнне Вучонага савета

У Мінскай духоўнай семінарыі адбылося пасяджэнне Вучонага савета, які папярэднічаў пачатку 2018/2019 навучальнага года. Узначаліў пасяджэнне савета рэктар семінарыі архіепіскап Навагрудскі і Слонімскі Гурый.

У святкаванні XXV Дня беларускага пісьменства прынялі ўдзел прадстаўнікі Выдавецкага савета і праваслаўных выдавецтваў БПЦ

Сёлета XXV святкаванне Дня беларускага пісьменства адбылося ў горадзе Іванава Брэсцкай вобласці. Ва ўрачыстых мерапрыемствах актыўны ўдзел прыняла Беларуская Праваслаўная Царква.

У Віцебску пройдзе навуковая канферэнцыя «Жанчыны ў гісторыі роднага краю: жыццё і дзейнасць»

Міжнародная навукова-практычная канферэнцыя «Жанчыны ў гісторыі роднага краю: жыццё і дзейнасць», прысвечаная 100-годдзю стварэння Саюза праваслаўных жанчын і Году малой радзімы ў Беларусі, адбудзецца 25 кастрычніка на базе ўстановы адукацыі Федэрацыі прафсаюзаў Беларусі «міжнародны ўніверсітэт "МІПСА"». Зарэгістравацца на ўдзел можна да 28 верасня.

У Мазыр прынесена Юравіцкая ікона Божай Маці

Цудатворны абраз будзе знаходзіцца ў кафедральным саборы святога Архангела Міхаіла да 12 верасня. Кожны дзень пасля заканчэння Бажэственнай літургіі (прыкладна ў 9:30) і ў 14:00 перад шануемай іконай будзе здзяйсняцца набажэнства з чытаннем акафіста Прасвятой Багародзіцы.

У старажытным храме вёскі Сынкавічы адбыліся ўрачыстасці ў гонар іконы Божай Маці «Усецарыца»

Урачыстасці ўзначаліў архіепіскап Гродзенскі і Ваўкавыскі Арцемій. За Бажэственнай літургіяй уладыку Арцемію саслужылі: епіскап Супрасльскі Андрэй, вікарый Беластоцкай епархіі Польскай Праваслаўнай Царквы, і епіскап Тураўскі і Мазырскі Леанід.

У Нядзелю 14-ю пасля Пяцідзесятніцы мітрапаліт Філарэт маліўся за Літургіяй у дамавым храме Мінскага епархіяльнага ўпраўлення

2 верасня, у Нядзелю 14-ю пасля Пяцідзесятніцы, пасвята Успення Прасвятой Багародзіцы, Ганаровы Патрыяршы Экзарх усяе Беларусі мітрапаліт Філарэт маліўся і прычасціўся Святых Хрыстовых Тайн за Бажэственнай літургіяй у дамавым храме Мінскага епархіяльнага ўпраўлення ў гонар Сабора Беларускіх святых.

Мітрапаліт Валакаламскі Іларыён: Мы вельмі спадзяемся, што будзе захавана адзінства сусветнага Праваслаўя

1 верасня ў перадачы «Царква і свет», якая выходзіць на канале «Расія-24» па суботах і нядзелях, старшыня Аддзела знешніх царкоўных сувязяў Маскоўскага Патрыярхату мітрапаліт Валакаламскі Іларыён адказаў на пытанні вядучай тэлеканала Кацярыны Грачовай.

У Мінску ўрачыста адзначаць 120-годдзе храма дабравернага князя Аляксандра Неўскага

Цэнтральнай падзеяй урачыстасцяў, прысвечаных знамянальнай гадавіне, стане прастольнае свята храма — серада 12 верасня, дзень памяці дабравернага князя Аляксандра Неўскага. У 9:30 пачнецца служэнне святочнай Бажэственнай літургіі, якую ўзначаліць мітрапаліт Мінскі і Заслаўскі Павел, Патрыяршы Экзарх усяе Беларусі.

У Нядзелю 14-ю пасля Пяцідзесятніцы Патрыяршы Экзарх здзейсніў Літургію ў Свята-Духавым кафедральным саборы горада Мінска

2 верасня, у Нядзелю 14-ю пасля Пяцідзесятніцы, пасвята Успення Прасвятой Багародзіцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.