13 лістапада адбудуцца VII Тураўскія епархіяльныя адукацыйныя чытанні

13 лістапада адбудуцца VII Тураўскія епархіяльныя адукацыйныя чытанні на тэму: «Фарміраванне гістарычнай памяці моладзі і захаванне культурна-гістарычнай спадчыны беларускага народа (да 550-годдзя яўлення Жыровіцкай іконы Божай Маці, 500-годдзя Жыровіцкага манастыра)».

Мінскую духоўную акадэмію наведаў арцыбіскуп Рымска-Каталіцкай Царквы Антоніа Меніні

У Акадэміі высокага госця сустрэў рэктар архімандрыт Сергій (Акімаў), які правёў экскурсію па комплексе будынкаў духоўнай школы. Госць агледзеў храм свяціцеля Кірыла Тураўскага, бібліятэку, царкоўна-гістарычны музей Беларускай Праваслаўнай Царквы, адміністрацыйны корпус акадэміі.

Пад старшынствам мітрапаліта Веніяміна адбылася нарада, прысвечаная фінальнаму этапу рэканструкцыі Тураўскага крыжа

15 верасня мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў у Мінскім епархіяльным упраўленні нараду, прысвечаную завяршэнню работ па аднаўленню Тураўскага крыжа.

Адбыўся візіт Патрыяршага Экзарха ў Мінскую духоўную семінарыю

10 верасня мітрапаліт Мінскі і Заслаўскі Веніямін, Патрыяршы Экзарх усяе Беларусі, наведаў Мінскую духоўную семінарыю і сустрэўся з адміністрацыяй навучальнай установы.

Электронная бібліятэка Мінскай духоўнай акадэміі пачала працу ў сетцы Інтэрнэт

У адкрытым доступе прадстаўлена больш за 1200 навуковых публікацый выкладчыкаў, аспірантаў і магістрантаў, матэрыялы навуковых канферэнцый, артыкулы з перыядычных выданняў, якія выпускаюцца Мінскай духоўнай акадэміяй. На сайце праекта размешчаны навучальныя дапаможнікі, метадычныя распрацоўкі і іншыя матэрыялы.

У Мінскай духоўнай семінарыі адбыліся змены ў складзе адміністрацыі і выкладчыцкай карпарацыі

12 жніўня 2020 года мітрапаліт Мінскі і Заслаўскі Павел, Патрыяршы Экзарх усяе Беларусі, зацвердзіў змяненне складу адміністрацыі і выкладчыцкай карпарацыі Мінскай духоўнай семінарыі. Новыя прызначэнні абумоўлены патрэбай працягу рэфармавання падыходаў да адукацыйнай дзейнасці і выхаваўчай працы.

У царкоўна-археалагічны музей Мінскай духоўнай семінарыі перададзены новыя экспанаты

Калекцыя экспанатаў царкоўна-археалагічнага музея Мінскай духоўнай семінарыі папоўнілася каштоўнымі экспанатамі, перададзенымі настаяцелем Петра-Паўлаўскага сабора горада Мінска протаіерэем Георгіем Латушкам і благачынным Слонімскай акругі протаіерэем Вадзімам Пятліцкім.

Мітрапаліт Павел наведаў Успенскі Жыровіцкі манастыр і Мінскую духоўную семінарыю

Патрыяршы Экзарх сустрэўся з адміністрацыяй і выкладчыкамі семінарыі, а таксама ўзначаліў пасяджэнне Духоўнага Сабора Жыровіцкага манастыра.

Навучэнцам Мінскай духоўнай семінарыі прадставілі новага выконваючага абавязкі рэктара

17 ліпеня ў актавай зале Мінскай духоўнай семінарыі адбылося прадстаўленне выконваючага абавязкі рэктара навучальнай установы — дацэнта Аляксандра Валер'евіча Слесарава.

У Мінску адбыўся анлайн-семінар на тэму ўкладу рэлігійных супольнасцяў у рашэнне праблем экалогіі

16 ліпеня Мінскі міжнародны адукацыйны цэнтр імя Ёханэса Рау пры ўдзеле Хрысціянскага адукацыйнага цэнтра імя святых Мяфодзія і Кірыла і Цэнтра экалагічных рашэнняў правёў анлайн-семінар на тэму «Уклад рэлігійных супольнасцяў у вырашэнне праблем экалогіі ў інтарэсах устойлівага развіцця Беларусі».

Архіепіскап Навагрудскі Гурый завяршыў сваю працу на пасадзе рэктара Мінскай духоўнай семінарыі

Выконваючым абавязкі рэктара прызначаны Аляксандр Валер'евіч Слесараў, прарэктар па навуковай рабоце МінДАіС. У адпаведнасці са Статутам Беларускай Праваслаўнай Царквы на бліжэйшым пасяджэнні Сінода БПЦ будзе разгледжана і зацверджана кандыдатура новага рэктара Мінскай духоўнай семінарыі.

Патрыяршы Экзарх узначаліў пасяджэнне Вучонага савета Мінскай духоўнай акадэміі

17 ліпеня мітрапаліт Мінскі і Заслаўскі Павел, Патрыяршы Экзарх усяе Беларусі, узначаліў пасяджэнне Вучонага савета Мінскай духоўнай акадэміі.

У 2021 годзе аднаўляецца набор абітурыентаў у Віцебскі дзяржуніверсітэт на спецыяльнасць «Тэалогія»

У 2021 годзе аднаўляецца набор абітурыентаў у ДУА «Віцебскі дзяржаўны ўніверсітэт імя П. М. Машэрава» на спецыяльнасць «Тэалогія». Прадастаўляецца магчымасць атрымаць вышэйшую адукацыю (вочная або завочная форма навучання) з прысваеннем кваліфікацыі «Тэолаг. Выкладчык сацыяльна-гуманітарных дысцыплін».

У Беларускай Праваслаўнай Царкве праходзіць анлайн-курс кансультавання цяжарных жанчын у крызіснай сітуацыі

10 ліпеня пачаў сваю працу анлайн-курс «Кансультаванне цяжарных жанчын у крызіснай сітуацыі: духоўныя, сацыяльныя, медыцынскія і псіхалагічныя аспекты», арганізаваны Сінадальнай камісіяй Беларускай Праваслаўнай Царквы па пытаннях сям'і, абароны мацярынства і дзяцінства.

Ігумену Ермагену (Панасюку) прысуджана вучоная ступень кандыдата багаслоўя

9 ліпеня Свяцейшы Патрыярх Маскоўскі і ўсяе Русі Кірыл зацвердзіў рашэнне кандыдацкага дысертацыйнага савета Мінскай духоўнай акадэміі аб прысуджэнні ігумену Ермагену (Панасюку) вучонай ступені кандыдата багаслоўя.