Да Дня праваслаўнай кнігі ў Гомелі прайшоў квэст «Храм мудрасці: учора, сёння, заўтра»

Епіскап Гомельскі і Жлобінскі Стэфан прыняў удзел у мерапрыемстве, прысвечаным 500-годдзю беларускага кнігадрукавання, якjt прайшло ў Гомельскай абласной універсальнай бібліятэцы. Часткай мерапрыемства стаў квэст, накіраваны на тое, каб нагадаць маладым людзям гісторыю з'яўлення друкаванай кнігі на Русі.

Выйшаў 3-і нумар часопіса «Ведамасці Мінскай мітраполіі» за 2017 год

Выйшаў 3-і нумар часопіса «Ведамасці Мінскай мітраполіі» за 2017 год, набыць які можна ў царкоўных крамах і прыходах Мінскай мітраполіі. Там жа можна набыць і папярэднія выпускі часопіса.

У сярэдняй школе № 4 горада Паставы адкрылася выстаўка «Духоўнасць. Маральнасць. Асоба»

З мэтай ажыццяўлення духоўна-асветніцкай дзейнасці ў бібліятэцы дзяржаўнай установы адукацыі «СШ № 4 горада Паставы» была арганізавана праваслаўная кніжная выстава «Духоўнасць. Маральнасць. Асоба».

Патрыяршы Экзарх усяе Беларусі прыняў удзел ва ўрачыстым мерапрыемстве «Дзень праваслаўнай кнігі — 2017»

У гэтым годзе ўрачыстасць была прымеркавана да юбілею беларускага кнігадрукавання. Роўна 500 гадоў таму, у 1517 годзе ў Празе беларускім і ўсходнеславянскім першадрукаром Францыскам Скарынам быў выдадзены Псалтыр.

У Нацыянальнай бібліятэцы Беларусі адбудзецца святкаванне Дня праваслаўнай кнігі

Па благаславенні мітрапаліта Мінскага і Заслаўскага Паўла, Патрыяршага Экзарха ўсяе Беларусі, 10 сакавіка ў Нацыянальнай бібліятэцы Беларусі адбудзецца ўрачыстае мерапрыемства «Дзень праваслаўнай кнігі — 2017».

У Маладзечне прайшоў агульнаепархіяльны Дзень праваслаўнай кнігі

Урачыстае мерапрыемства было прымеркавана да пяцісотай гадавіны выдання Бібліі Францыскам Скарынам. Кульмінацыяй свята стала правядзенне дабрачыннай акцыі «Добрае сэрца» ў падтрымку Віялеты Банковіч і адкрыццё выстаўкі малюнкаў дзяўчынкі. Віялета пакутуе спінальна-мышачнай атрафіяй і мае патрэбу ў набыцці электракаляскі.

Падведзены вынікі фотаконкурсу «Мгновения бытия…»

Па благаславенні Патрыяршага Экзарха моладзь Мінскага Свята-Духава кафедральнага сабора сумесна з Сінадальным інфармацыйным аддзелам Беларускай Праваслаўнай Царквы правяла фотаконкурс «Мгновения бытия…». Запуск праекта адбыўся 5 снежня 2016 года, а 25 лютага 2017 года былі названыя імёны пераможцаў.

Протаіерэй Сергій Лепін: Ёсць тры важных падставы ставіцца да Курапатаў як да святыні

Існуе тры важных падставы для таго, каб ставіцца да Курапатаў як да святыні. Пра гэта ў каментары Krynica.info заявіў протаіерэй Сергій Лепін, старшыня Сінадальнага інфармацыйнага аддзела Беларускай Праваслаўнай Царквы. «Курапаты — гэта, па-першае, могілкі, па-другое, — месца масавых рэпрэсій, у-трэціх — помнік культуры», — адзначыў ён.

Прафесар Мінскай духоўнай акадэміі сабраў матэрыялы для кнігі аб гісторыі Скобелеўскага ваеннага лагера

У рамках праекта «У пошуках страчанага», які рэалізуецца газетай «СБ — Беларусь сёння», выйдзе кніга пра гісторыю Скобелеўскага ваеннага лагера пад Баранавічамі. Незвычайную тэму з ваеннай гісторыі краіны даследавалі гісторык Уладзімір Ліхадзедаў, прафесар Мінскай духоўнай акадэміі іерэй Гардзей Шчаглоў і аўтар кніг па гісторыі Уладзімір Пефціеў.

Выйшаў першы нумар «Весніка Сінадальнага цэнтра сектазнаўства» за 2017 год

Выйшаў першы нумар «Весніка Сінадальнага цэнтра сектазнаўства Беларускай Праваслаўнай Царквы» за бягучы год. У выданні апублікаваная статыстыка нетрадыцыйных рэлігійных рухаў у Рэспубліцы Беларусь па дадзеных на 1 студзеня 2017 года.

25 лютага адбудзецца ўзнагароджанне пераможцаў фотаконкурсу «Імгненні быцця...»

У перыяд з 5 снежня 2016 года па 8 лютага 2017 года на фотаконкурс паступіла больш за 360 фатаграфій з розных гарадоў Рэспублікі Беларусь. Працы прымаліся ў чатырох намінацыях: пейзаж, партрэт, фотагісторыя і instagram.

На парозе Дня праваслаўнай моладзі архіепіскап Полацкі і Глыбоцкі Феадосій сустрэўся з журналістамі

У Полацкай епархіі адбыўся круглы стол «Духоўнае здароўе нацыі». У рамках круглага стала архіепіскап Полацкі і Глыбоцкі Феадосій абмеркаваў з журналістамі тэму «Моладзь. Погляд у будучыню».

Выйшаў зборнік матэрыялаў міжнароднай канферэнцыі «Эканоміка, хрысціянства і сацыяльныя інстытуты»

У выдавецтве Мінскай духоўнай акадэміі выйшаў зборнік матэрыялаў Міжнароднай навукова-практычнай канферэнцыі «Эканоміка, хрысціянства і сацыяльныя інстытуты», якая праходзіла 28-29 студзеня 2017 года ў Мінску.

У Маскве адбылася прэзентацыя кнігі беларускага архімандрыта Савы (Мажукі) «Апельсінавыя святыя»

Архімандрыт Сава — насельнік Нікольскага мужчынскага манастыра горада Гомеля. Выкладчык курсу «Асновы хрысціянскай культуры» ў Гомельскім дзяржаўным універсітэце. Пастаянны аўтар многіх электронных і друкаваных СМІ Беларусі і Расіі.

Апублікаваныя матэрыялы канферэнцыі «Духоўная спадчына протапрасвітара Віталя Баравога»

У снежні 2016 года навукова-багаслоўскі і царкоўна-грамадскі часопіс «Церковь и время», які выдаецца Аддзелам знешніх царкоўных сувязяў Маскоўскага Патрыярхату, апублікаваў матэрыялы Міжнароднай навукова-багаслоўскай канферэнцыі «Духоўная спадчына протапрасвітара Віталя Баравога (1916-2008), царкоўнага дзеяча, педагога, духоўнага пастыра».