У Віцебску адбыліся V Кірыла-Мяфодзіеўскія адукацыйныя чытанні маладых даследчыкаў

Усяго ў чытаннях прынялі ўдзел больш за 150 чалавек: навучэнцы ўстаноў адукацыі ва ўзросце ад 14 да 22 гадоў, выкладчыкі вышэйшых і сярэдніх навучальных устаноў, навуковыя кіраўнікі выступоўцаў, святары, работнікі адукацыі і культуры, студэнты, прадстаўнікі грамадскасці.

Спартыўнае свята «Гуляем разам» для дзяцей з абмежаванымі магчымасцямі прайшоў у Салігорску

Удзельнікамі свята сталі выхаванцы ЦКРНіР і члены праваслаўнага сямейнага клуба «Жывая Крыніца». Дзеці з сямейнага клуба выступілі ў якасці валанцёраў, дапамагаючы выхаванцам цэнтра карэкцыйна-развіваючага навучання праходзіць эстафеты спартыўна-гульнявой праграмы свята.

Праваслаўныя добраахвотнікі перадалі Бабруйскаму хоспісу канцэнтратар кіслароду

Сінадальны аддзел Беларускага Экзархату па сацыяльнаму служэнню дзякуе ўсім, хто прымаў удзел у акцыі «Мілае сэрца. Твая дарога добрых спраў! Бургер Кінг разам з "Дарогай Міласэрнасці — дапамогу хоспіса Беларусі"» і дзякуючы каму стала магчымым набыць ужо чацвёрты канцэнтратар кіслароду для маючых патрэбу пацыентаў.

У Бабруйску пачаў работу VI Міжнародны фестываль падтрымкі сям'і, мацярынства і дзяцінства «Шчасце ў дзецях»

У мерапрыемствах фестывалю прымаюць удзел прадстаўнікі Беларускай Праваслаўнай Царквы, дзяржаўных і гарадскіх органаў улады, грамадскіх арганізацый, устаноў аховы здароўя, адукацыі і сацыяльнай абароны, навучэнцы і студэнты, а таксама госці з Расіі і Літвы.

У Мінскай духоўнай акадэміі прайшлі Першыя чытанні памяці протаіерэя Іаана Грыгаровіча

17 мая ў Мінскай духоўнай акадэміі прайшла навукова-практычная канферэнцыя «I Чытанні памяці протаіерэя Іаана Грыгаровіча (1792 — 1852): гісторыка, археографа, археолага». Арганізатарам форуму выступіла кафедра царкоўнай гісторыі і царкоўна-практычных дысцыплін Мінскай духоўнай акадэміі.

Патрыяршы Экзарх усяе Беларусі звярнуўся да Прэзідэнта Украіны ў сувязі з плануемым прыняццем Вярхоўнай Радай Украіны антыправаслаўных законаў

Мітрапаліт Мінскі і Заслаўскі Павел, Патрыяршы Экзарх усяе Беларусі, звярнуўся да Прэзідэнта Украіны Пятра Аляксеевіча Парашэнкі ў сувязі з плануемым прыняццем Вярхоўнай Радай Украіны антыправаслаўных законаў.

Патрыяршы Экзарх усяе Беларусі звярнуўся да Прэзідэнта Рэспублікі Беларусь у сувязі з плануемым прыняццем Вярхоўнай Радай Украіны антыправаслаўных законаў

Мітрапаліт Мінскі і Заслаўскі Павел, Патрыяршы Экзарх усяе Беларусі, звярнуўся да Прэзідэнта Рэспублікі Беларусь Аляксандра Рыгоравіча Лукашэнкі ў сувязі з плануемым прыняццем Вярхоўнай Радай Украіны антыправаслаўных законаў.

24 хоры прынялі ўдзел у фестывалі «Пойте Богу нашему, пойте»

У Доме культуры горада Драгічына прайшоў XVI Епархіяльны фестываль праваслаўных духоўных песнапенняў «Спявайце Богу нашаму, спявайце». Гэты пеўчы форум традыцыйна праводзіцца ў велікодны перыяд па благаславенню архіепіскапа Брэсцкага і Кобрынскага Іаана.

З 22 па 26 мая ў Мінску адбудуцца XXIII Міжнародныя Кірыла-Мяфодзіеўскія чытанні

У гэтым годзе форум прысвячаецца 500-годдзю беларускага і ўсходнеславянскага кнігадрукавання. Тэма чытанняў: «Рэлігія і пісьменства як фактары фарміравання славянскай культуры». Урачыстае адкрыццё чытанняў адбудзецца 22 мая ў 15:00 у канферэнц-зале Нацыянальнай бібліятэкі Беларусі.

Дабрачынны турнір па міні-футболе на кубак Георгія Перамаганосца прайшоў у Нясвіжы

Спартыўнае спаборніцтва праводзілася дзеля таго, каб дапамагчы маленькай нясвіжанцы пачуць гэты свет. У 2,5 года Марыі Бянько паставілі дыягназ «двухбаковая хранічная нейрасэнсорная глухаватасць 4-й ступені». За два тыдні неабходна было тэрмінова купіць спецыяльны дзіцячы слыхавы апарат, каб паспець да таго моманту, калі дзіця канчаткова страціць магчымасць чуць.

Грэчаскі архімандрыт Гервасій (Раптапулас) наведаў адзіную ў Беларусі калонію для непаўналетніх

Айцец Гервасій выступіў з пастырскім словам у двух папраўчых установах Дэпартамента выканання пакаранняў МУС Рэспублікі Беларусь: ПК-2 і ВК-2. Бабруйская калонія — адзіная ў краіне ўстанова для перавыхавання непаўналетніх, адступнікаў закону. Госць з Грэцыі паднёс асуджаным каштоўныя падарункі. У завяршэнне дня адбылася сустрэча дэлегацыі з епіскапам Бабруйскім і Быхаўскім Серафімам.

Алея «Бэз Перамогі» заложана побач з Каложскай царквой у Гродне

Ветэраны, школьнікі, кіраўніцтва горада і прадстаўнікі Праваслаўнай Царквы ўрачыста залажылі паблізу Барыса-Глебскага (Каложскага) храма горада Гродна алею «Бэз Перамогі». Кусты бэзу бясплатна прадаставіў Цэнтральны батанічны сад Акадэміі навук Беларусі.

746 падарункавых камплектаў ўвайшлі ў салігорскую «Велікодную кашолку»

У Салігорску падвялі вынікі дабрачыннай акцыі «Велікодная кашолка», арганізаванай праваслаўным моладзевым брацтвам святых Пятра і Фяўронні Мурамскіх прыхода кафедральнага сабора Ражджаства Хрыстовага.

Адбылася сустрэча Патрыяршага Экзарха і Надзвычайнага і Паўнамоцнага Пасла Палесціны ў Рэспубліцы Беларусь

10 мая ў Мінскім епархіяльным упраўленні адбылася сустрэча мітрапаліта Мінскага і Заслаўскага Паўла, Патрыяршага Экзарха ўсяе Беларусі, і Надзвычайнага і Паўнамоцнага Пасла Палесціны ў Рэспубліцы Беларусь доктара Халеда Арыката.

У памяць 700-годдзя Навагрудскай епархіі высаджаны фруктовы сад

8 мая ў памяць 700-годдзя Навагрудскай епархіі на тэрыторыі храма Успення Прасвятой Багародзіцы ў вёсцы Ваўковічы быў высаджаны фруктовы сад — 35 пладовых дрэў. Дзень быў абраны не выпадкова: 8 мая — дата нараджэння шануемага ў Ваўковічах протаіерэя Мікалая Нядзведскага, па-зверску закатаванага багаборцамі ў 1939 годзе.