Мітрапаліт Павел здзейсніў Літургію ў храме ў гонар Нараджэння Прасвятой Багародзіцы вёскі Тарасава

На богаслужэнні прысутнічаў старшыня Дзяржпагранкамітэта генерал-маёр Лапо Анатоль Пятровіч. Па завяршэнні Літургіі адбылося ўзнагароджанне святароў і вайскоўцаў, якія асабліва папрацавалі ў справе ўмацавання ўзаемадзеяння паміж Беларускай Праваслаўнай Царквой і органамі пагранічнай службы Рэспублікі Беларусь.

Архіерэі Беларускай Праваслаўнай Царквы прынялі ўдзел у царкоўных урачыстасцях у польскім горадзе Цярэспаль

22 лістапада, у дзень памяці іконы Божай Маці «Скорапаслушніца», у праваслаўным храме апостала і евангеліста Іаана Багаслова ў горадзе Цярэспаль (Люблінскае ваяводства Польшчы) адбыліся ўрачыстасці ў гонар гэтага абраза Найсвяцейшай Багародзіцы, шануемы спіс якога знаходзіцца ў храме.

У Мінску пройдуць Чацвёртыя Беларускія Калядныя чытанні «Моладзь: свабода і адказнасць»

Па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, 29-30 лістапада пройдуць чацвёртыя Беларускія Калядныя чытанні «Моладзь: свабода і адказнасць». Заяўкі на ўдзел і матэрыялы дакладаў прымаюцца да 19 лістапада.

Мітрапаліт Павел уручыў царкоўныя ўзнагароды свяшчэннаслужыцелям і миранам, якія працавалі пры падрыхтоўцы і падчас візіту Свяцейшага Патрыярха Кірыла ў Беларусь

22 лістапада мітрапаліт Мінскі і Заслаўскі Павел, Патрыяршы Экзарх усяе Беларусі, уручыў граматы і падзякі Патрыяршага Экзарха святарам і міранам, якія папрацавалі пры падрыхтоўцы і падчас Першасвяціцельскага візіту Свяцейшага Патрыярха Маскоўскага і ўсяе Русі Кірыла ў Рэспубліку Беларусь, што адбываўся з 13 па 15 кастрычніка гэтага года.

У выдавецтве Мінскай духоўнай семінарыі выйшаў зборнік матэрыялаў XVI семінара студэнтаў ВНУ Беларусі

20 лістапада па благаславенню рэктара Мінскай духоўнай семінарыі архіепіскапа Навагрудскага і Слонімскага Гурыя выдавецтвам семінарыі быў выпушчаны зборнік матэрыялаў XVI семінара студэнтаў вышэйшых навучальных устаноў Рэспублікі Беларусь «Рэлігія і навука ў XXI стагоддзі: перспектывы дыялогу», які праходзіў 24-25 лістапада 2017 года. У склад зборніка ўключаны 131 даклад удзельнікаў форуму, якія выступалі ў рамках пленарнага пасяджэння, дзевяці тэматычных секцый, а таксама прадставілі свае паведамленні ў секцыі завочнага ўдзелу.

У свята Сабора Архістратыга Міхаіла і іншых Нябесных Сіл бясплотных Патрыяршы Экзарх здзейсніў Літургію ў храме ў гонар Архангела Міхаіла горада Мінска

21 лістапада, у сераду сядміцы 26-й пасля Пяцідзесятніцы, у свята Сабора Архістратыга Міхаіла і іншых Нябесных Сіл бясплотных, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар Архангела Міхаіла горада Мінска.

Адбылася нарада кіраўнікоў епархіяльных моладзевых аддзелаў Беларускай Праваслаўнай Царквы

Арганізатарам нарады выступіў старшыня Сінадальнага аддзела па справах моладзі Беларускага Экзархату протаіерэй Іаан Задарожын. Ганаровым госцем сустрэчы стаў В. а. старшыні Сінадальнага аддзела па справах моладзі Рускай Праваслаўнай Царквы протаіерэй Кірыл Сладкоў.

У Мінску адзначаць 30-годдзе сястрынскага служэння на тэрыторыі Беларусі

24 лістапада па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, адбудзецца ўрачысты Агульны сход Саюза сястрыцтваў міласэрнасці Беларускай Праваслаўнай Царквы, прысвечаны 30-годдзю сястрынскага служэння ў Беларусі. Мерапрыемства пройдзе ў Духоўна-адукацыйным цэнтры Беларускай Праваслаўнай Царквы з 10:00 да 18:00.

Патрыяршы Экзарх усяе Беларусі павіншаваў Патрыярха Кірыла з днём нараджэння

Мітрапаліт Мінскі і Заслаўскі Павел, Патрыяршы Экзарх усяе Беларусі, павіншаваў Патрыярха Маскоўскага і ўсяе Русі Кірыла з днём нараджэння.

Прэзідэнт Беларусі павіншаваў Прадстаяцеля Рускай Царквы з днём нараджэння

Кіраўнік дзяржавы адзначыў, што ў Беларусі даражаць сяброўскай падтрымкай і пастырскім клопатам Свяцейшага Патрыярха Кірыла. «Упэўнены, што ваша самаадданая дзейнасць і надалей будзе спрыяць умацаванню адзінства народаў нашых краін», — падкрэсліў Аляксандр Лукашэнка.

Канферэнцыя ў гарнізонным саборы Брэсцкай крэпасці сабрала навукоўцаў з Беларусі, Польшчы і Расіі

У рамках урачыстасцяў у гонар 370-годдзя пакутніцкага скону прападобнамучаніка Афанасія Брэсцкага ў гарнізонным саборы свяціцеля Мікалая Цудатворца ў Брэсцкай крэпасці адбылася Міжнародная навукова-практычная канферэнцыя «Праваслаўе ў духоўным жыцці Беларусі».

У межы Барысаўскай епархіі будуць прынесены святыні хрысціянскага свету

Па благаславенню епіскапа Барысаўскага і Мар'інагорскага Веніяміна 21 лістапада на Барысаўшчыну будуць прынесены частка Пакрова Прасвятой Багародзіцы і часцінка мошчаў святога велікамучаніка і ацаляльніка Панцеляімана.

Архіепіскап Гомельскі Сцяфан ўзнёс малітвы аб пацярпелых у дарожных аварыях

Кожную трэцюю нядзелю лістапада ў адпаведнасці з рэзалюцыяй Генеральнай Асамблеі ААН адзначаецца Сусветны дзень памяці ахвяр дарожна-транспартных здарэнняў. Сёлета гэтая дата выпала на 18 лістапада. Здзяйсняючы праскамідыю ў храме свяціцеля Мікалая Цудатворца вёскі Жалезнікі, архіепіскап Гомельскі і Жлобінскі Сцяфан узнёс малітву аб пацярпелых у ДТЗ.

У Нядзелю 25-ю пасля Пяцідзесятніцы мітрапаліт Павел здзейсніў Літургію ў Свята-Духавым кафедральным саборы горада Мінска

З нагоды Сусветнага дня памяці ахвяр дарожна-транспартных здарэнняў Патрыяршым Экзархам была здзейснена памінальная ліція аб усіх трагічна загінуўшых у выніку дарожна-транспартных катастроф.

Напярэдадні Нядзелі 25-й пасля Пяцідзесятніцы, мітрапаліт Мінскі Павел і епіскап Бараўлянскі Ігнацій здзейснілі усяночнае трыванне ў Свята-Духавым кафедральным саборы горада Мінска

17 лістапада, напярэдадні Нядзелі 25-й пасля Пяцідзесятніцы, дня памяці айцоў Памеснага Сабора Рускай Царквы 1917-1918 гадоў, мітрапаліт Мінскі і Заслаўскі Павел, Патрыяршы Экзарх усяе Беларусі, і епіскап Бараўлянскі Ігнацій, вікарый Мінскай епархіі, здзейснілі усяночнае трыванне ў Свята-Духавым кафедральным саборы горада Мінска.