У Аляксандра-Неўскі храм сталіцы прыбудзе ікона блажэннай Матроны Маскоўскай з часцінкай мошчаў

12 верасня па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, у храм дабравернага вялікага князя Аляксандра Неўскага горада Мінска прыбудзе ікона блажэннай Матроны Маскоўскай з часцінкай мошчаў. Блажэнная Матрона Маскоўская (1881-1952) — адна з самых шануемых нашым народам святых. Жанчыну-інваліда, невідушчую ад нараджэння і пазбаўленую магчымасці хадзіць, Гасподзь удастоіў дару цудатварэння і празорлівасці. Вернікі шануюць блажэнную Матрону як вялікую малітвенніцу, якая дапамагала блізкім пры сваім жыцці і працягвае адгукацца на просьбы шчырых сэрцаў зараз, знаходзячыся ў Царстве Нябесным.

Патрыяршы Экзарх усяе Беларусі прыняў віншаванні з прызначэннем

8 верасня мітрапаліт Мінскі і Заслаўскі Веніямін, Патрыяршы Экзарх усяе Беларусі, прымаў віншаванні з прызначэннем. Уладыка Веніямін запэўніў высокіх гасцей у сваёй гатоўнасці да дыялогу і канструктыўнага супрацоўніцтва з усімі здаровымі сіламі грамадства.

Мітрапаліт Філарэт павіншаваў мітрапаліта Веніяміна з пачаткам служэння на Мінскай кафедры

Пажадаўшы ўладыку Веніяміну стойкасці, моцы сіл і поспеху ў Экзаршай працы, мітрапаліт Філарэт уручыў яму белы клабук з мініяцюрнай копіяй Крыжа прападобнай Еўфрасінні Полацкай — духоўнага сімвала Беларусі.

Свяцейшы Патрыярх Кірыл: Мы прыйшлі да высновы, што сёння на чале Беларускай Царквы павінен быць чалавек, які нарадзіўся ў Беларусі

6 верасня ў зале Вышэйшай Царкоўнай Рады кафедральнага саборнага Храма Хрыста Збавіцеля ў Маскве адбылася сустрэча Свяцейшага Патрыярха Маскоўскага і ўсяе Русі Кірыла з архіерэямі Беларускай Праваслаўнай Царквы.

Епіскап Веніямін: У смутны час узмоцнім малітву [ВІДЭА]

Да працягу і ўзмацнення малітвы за Айчыну заклікаў вернікаў, якія сабраліся ў Свята-Духавым кафедральным саборы Мінска, епіскап Веніямін, абраны мітрапалітам Мінскім і Заслаўскім, Патрыяршым Экзархам усяе Беларусі.

У Нядзелю 12-ю пасля Пяцідзесятніцы мітрапаліт Павел здзейсніў Літургію ў Свята-Духавым кафедральным саборы горада Мінска

30 жніўня, у Нядзелю 12-ю пасля Пяцідзесятніцы, пасвята свята Успення Прасвятой Багародзіцы, мітрапаліт Кацярынадарскі і Кубанскі Павел здзейсніў Бажэственную літургію ў Свята-Духавым кафедральным саборы горада Мінска.

У Нядзелю 12-ю пасля Пяцідзесятніцы епіскап Веніямін узначаліў Літургію ў кафедральным саборы Уваскрасення Хрыстовага горада Барысава

30 жніўня, у Нядзелю 12-ю пасля Пяцідзесятніцы, епіскап Веніямін, абраны мітрапалітам Мінскім і Заслаўскім, Патрыяршым Экзархам усяе Беларусі, здзейсніў Бажэственную літургію ў кафедральным саборы Уваскрасення Хрыстовага горада Барысава.

У дзень свята Успення Прасвятой Багародзіцы мітрапаліт Павел здзейсніў Літургію ў Успенскім Жыровіцкім манастыры

28 жніўня, у дзень свята Успення Прасвятой Багародзіцы, мітрапаліт Екацярынадарскі і Кубанскі Павел здзейсніў Бажэственную літургію ва Успенскім саборы Успенскага Жыровіцкага мужчынскага манастыра.

Епіскап Веніямін узначаліў прастольную ўрачыстасць Успенскага храма аграгарадка Косіна

28 жніўня, у дзень свята Успення Прасвятой Уладычыцы нашай Багародзіцы і Вечнадзевы Марыі, епіскап Веніямін, абраны мітрапалітам Мінскім і Заслаўскім, Патрыяршым Экзархам усяе Беларусі, здзейсніў Бажэственную літургію ў Успенскім храме аграгарадка Косіна Лагойскага раёна.

Напярэдадні свята Успення Прасвятой Багародзіцы Патрыяршы Экзарх здзейсніў усяночнае трыванне ў Лядзенскім манастыры

27 жніўня, напярэдадні свята Успення Прасвятой Уладычыцы нашай Багародзіцы і Вечнадзевы Марыі, епіскап Барысаўскі і Мар'інагорскі Веніямін, абраны мітрапалітам Мінскім і Заслаўскім, Патрыяршым Экзархам усяе Беларусі, здзейсніў усяночнае трыванне ў мужчынскім манастыры ў гонар Благавешчання Прасвятой Багародзіцы ў вёсцы Малыя Ляды Смалявіцкага раёна.

Ва ўсіх храмах і манастырах Беларускай Праваслаўнай Царквы будзе здзейснены малебен за Беларусь

Па благаславенню епіскапа Веніяміна, абранага Патрыяршым Экзархам усяе Беларусі, 30 жніўня ў 17:00 ва ўсіх храмах і манастырах Беларускай Праваслаўнай Царквы будзе здзейснены малебен з акафістам Успенню Прасвятой Багародзіцы і малітвай за беларускі народ.

Аб узмацненні посту і малітвы аб беларускім народзе

Заклік епіскапа Веніяміна падоўжыць на тры дні пост звернуты перш за ўсё да тых, хто па тых ці іншых прычынах не выконваў Успенскі пост. Такім прапануецца прыступіць да яго не адкладаючы. Тыя хрысціяне, што старанна трываюць пост, заклікаюцца да ўзмацнення сваёй духоўнай дзейнасці ў астатні час ўстрымання.

Епіскап Барысаўскі і Мар'інагорскі Веніямін здзейсніў сваё першае богаслужэнне пасля абрання Патрыяршым Экзархам усяе Беларусі

26 жніўня, у сераду сядміцы 12-й пасля Пяцідзесятніцы, адданне свята Праабражэння Гасподняга, Мінскай іконы Божай Маці, абраны мітрапалітам Мінскім і Заслаўскім, Патрыяршым Экзархам усяе Беларусі, епіскап Барысаўскі і Мар'інагорскі Веніямін здзейсніў Бажэственную літургію ў храме Мінскай іконы Божай Маці горада Смалявічы.

Патрыяршым Экзархам усяе Беларусі прызначаны епіскап Барысаўскі і Мар'інагорскі Веніямін

Свяшчэнны Сінод прыняў да ўвагі прашэнне Патрыяршага Экзарха ўсяе Беларусі мітрапаліта Мінскага і Заслаўскага Паўла аб вызваленні ад пасады Патрыяршага Экзарха ўсяе Беларусі, выказаўшы яму падзяку за панесеную працу.

Свяшчэнны Сінод выказаў занепакоенасць грамадскім канфліктам у Рэспубліцы Беларусь

Члены Свяшчэннага Сінода лічаць важным дбайнае расследаванне ўладамі Рэспублікі Беларусь усіх выпадкаў прымянення гвалту як да грамадзян, так і да супрацоўнікаў сіл правапарадку, і пакаранне вінаватых у парушэнні закона.