У Мінску пройдзе семінар па храмавай фларыстыцы

Удзельнікі даведаюцца пра асаблівасці кветкавага дэкору ў храмах, агульнапрынятых канонах, авалодаюць традыцыйнымі тэхнічнымі прыёмамі, якія прымяняюцца ў афармленні. Для правядзення семінара ў Мінск прыедзе расійскі дызайнер-фларыст Сяргей Карпунін, арганізатар Маскоўскага конкурсу фларыстаў «Moscow Florist Cup», старшыня журы Чэмпіянату Расіі па прафесійнай фларыстыцы «Russian Florist Cup». Па заканчэнні семінара выдаецца сертыфікат школы IAMFLORIST.com. Частка атрыманых у ходзе семінара сродкаў пойдзе на дабрачынныя мэты (дапамога Дому дзіцяці №1 для дзяцей з арганічным паражэннем ЦНС і псіхікі).

Два мінскіх праваслаўных прыхода правялі сумесную акцыю «Бессмяротны полк»

Вернікі мікрараёнаў Каменная Горка і Дамброўка прайшлі хрэсным ходам з фотаздымкамі сваіх родных — ветэранаў і ўдзельнікаў вайны — ад храма ў гонар свяшчэннамучаніка Уладзіміра Хіраски да храма свяціцеля Мікалая Японскага.

Мітрапаліт Павел усклаў вянок да манумента Перамогі ў горадзе Мінску

9 мая на Плошчы Перамогі ў горадзе Мінску адбылася ўрачыстая цырымонія ўскладання вянкоў да манумента Перамогі. Цырымонію ўзначаліў Прэзідэнт Рэспублікі Беларусь Аляксандр Рыгоравіч Лукашэнка. Вянок да падножжа абеліска усклаў і мітрапаліт Мінскі і Заслаўскі Павел, Патрыяршы Экзарх усяе Беларусі.

Музыка Вялікай Перамогі гучыць у выкананні невідушчых артыстаў

Чарада святочных канцэртных вечароў пад агульнай назвай «Майскія сустрэчы ў гонар свяшчэннамучаніка Уладзіміра Хіраскі "Музыка Вялікай Перамогі"» пройдзе ў маі на творчых пляцоўках горада Мінска.

Сямейныя пары запрашаюцца на семінар «Шлюбныя сустрэчы»

Закрыты семінар «Шлюбныя сустрэчы» пройдзе з 19 па 21 мая ў Мінску ў Паломніцкім цэнтры Лізавецінскага манастыра. Запрашаюцца сямейныя пары (у добрай сітуацыі і што перажываюць крызіс), якія жадаюць лепш разабрацца ў сваіх адносінах і абнавіць іх.

Прыхаджане сталічнага храма іконы Божай Маці «Усецарыца» прынялі ўдзел у экалагічным суботніку

7 мая на тэрыторыі пасёлка Гарадзішча, у лесе каля возера, адбыўся экалагічны суботнік. Цэнтр экалагічных рашэнняў у чарговы раз запрасіў беларусаў ачысціць прыроду ад смецця, далучыўшыся да валанцёрскай акцыі «Зробім!»

Эксперт-расколазнавец: Згодна канонам, Валянцін Цішко не з'яўляецца праваслаўным святаром

У беларускіх СМІ рэгулярна з'яўляецца інфармацыя пра іерадыякана Грэчаскай Аўтакефальнай Праваслаўнай Царквы Валянціна Цішко, які часта выказваецца па шэрагу грамадска-рэлігійных пытанняў. Пачынаючы з 2013 года ён пазіцыянуе сябе першым праваслаўным святаром, які адкрыта прадстаўляе інтарэсы ЛГБТ-супольнасці. Пракаментаваць кананічны статус Валянціна Цішко карэспандэнт Krynica.info папрасіў прарэктара па навуковай рабоце Мінскіх духоўных школ Аляксандра Слесарава.

У Зэльве адбылася прэзентацыя паэтычнага зборніка «Каложскі благавест»

Арганізатары прэзентацыі — Гродзенская епархія і прыход храма Святой Жыццепачатнай Троіцы ў гарадскім пасёлку Зэльва — запрасілі на сустрэчу з аўтарамі літаратараў, настаўнікаў беларускай мовы і літаратуры, бібліятэкараў.

У Брэсцкай абласной дзіцячай бальніцы асвечана капліца

4 мая архіепіскап Брэсцкі і Кобрынскі Іаан здзейсніў чын асвячэння капліцы ў гонар свяціцеля Спірыдона Трыміфунцкага ў Брэсцкай абласной дзіцячай бальніцы. Пасля богаслужэння архіерэй наведаў 5-е педыятрычнае аддзяленне і благаславіў малышоў, якія знаходзяцца на лячэнні.

У Нядзелю пра паралізаванага мітрапаліт Павел здзейсніў Літургію ў Свята-Духавым кафедральным саборы горада Мінска

7 мая, ў Нядзелю 4-ю пасля Пасхі, пра паралізаванага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.

Напярэдадні Нядзелі пра паралізаванага Патрыяршы Экзарх здзейсніў усяночнае трыванне ў Свята-Духавым кафедральным саборы горада Мінска

6 мая, напярэдадні Нядзелі 4-ай пасля Пасхі, пра паралізаванага, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў усяночнае трыванне ў Свята-Духавым кафедральным саборы горада Мінска.

У дзень памяці велікамучаніка Георгія Перамаганосца мітрапаліт Павел здзейсніў Літургію ў храме апостала Іаана Багаслова ў Сувораўскім вучылішчы

6 мая, у суботу 3-й сядміцы пасля Вялікадня, дзень памяці святога велікамучаніка Георгія Перамаганосца, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў храме ў гонар апостала і евангеліста Іаана Багаслова ў Мінскім Сувораўскім ваенным вучылішчы.

У вёсцы Бароўка адбылася велікодная дабрачынная акцыя «Гэта мой выбар!»

У гэтым годзе па выніках акцыі было сабрана больш за 320 беларускіх рублёў. Сродкі будуць накіраваны на аказанне дапамогі сем'ям з вёскі Бароўка, якія выхоўваюць дзяцей-інвалідаў.

У Мінскай духоўнай семінарыі прайшоў круглы стол на тэму «Руская Праваслаўная Царква ў гады рэвалюцыйных узрушэнняў»

5 мая ў Мінскай духоўнай семінарыі па благаславенню рэктара архіепіскапа Навагрудскага і Слонімскага Гурыя прайшоў круглы стол на тэму «Руская Праваслаўная Царква ў гады рэвалюцыйных узрушэнняў». У мерапрыемстве прынялі ўдзел выкладчыкі і студэнты семінарыі.

Старшыня Сінадальнага інфармацыйнага аддзела Беларускай Праваслаўнай Царквы выступіў перад слухачамі Акадэміі кіравання пры Прэзідэнце Рэспублікі Беларусь

Царква перад абліччам выклікаў сучаснага свету, хрысціянства і мас-медыя, асаблівасці заканадаўства Беларусі ў частцы рэгулявання ўзаемаадносін канфесій і дзяржавы — гэтыя і іншыя тэмы абмяркоўваліся на сустрэчы.